Gwelet an tarzh evit Ladinoeg

*''Arabat eo droukveskañ ar [[yezhoù yuzevek|yezh yuzevek]]-mañ gant al [[ladineg]] komzet en [[Italia]].''
----
{{Yezh|anv=Ladinoeg|anveyezh=Ladino, Judeo-espanyol
|broiou=[[Israel]], [[Turkia]], [[Brazil]], [[Frañs]], [[Alamagn]], [[Bulgaria]], [[Gres]], [[Mec'hiko]], [[Curaçao]]
|rannved=
|komzet= ~ 150 000
|renkadur=goude 100
|livfamilh=lightgreen
|familh=[[Yezhoù Indezeuropek]]
* [[Yezhoù italek]]
** [[Yezhoù romanek]]
***  [[Yezhoù Iberek-romanek|Iberek-Romanek]]
**** [[Yezhoù spagnolek]]
***** '''Ladinoeg'''
|YezhOfisiel= -
|akademiezh=Autoridad Nasionala del Ladino, Alliance Israelite Universelle
|iso1= -
|iso2=lad 
|lizherennoù=LAD
}}
{{InterWiki|lad}}
Ur [[yezhoù romanek|yezh romanek]] eo al '''ladinoeg''' pe '''yuzev-[[spagnoleg]]''' ("djidio", ''dzhudezmo'', ''spanyol'', גודיאו-איספאנייול) komzet gant 100.000 a dud en [[Israel]] ha gant 10.000 den all e [[Turkia]]. Komzet e vez ivez e [[Brazil]], [[Frañs]], [[Alamagn]], [[Bulgaria]], [[Gres]] ha [[Mec'hiko]]. Honnezh e oa yezh ar ''sefardim'', ar yuzevien kaset kuit eus Spagn en 1492. 

War digresk ec'h a an niver a dud a ra gant ar yezh-mañ dre ar bed a-bezh.

An [[spagnoleg|hengastilhaneg]] eo yezh diazez al ladinoeg, ennañ meur a c'her o tont eus an [[hebraeg]], evel ma'z eo an alamaneg diazez ar [[yideg]] komzet gant an ''ashkenazim''. Ar yezherien a hiriv zo diskennidi eus familhoù deuet eus [[Salonika]], Sarajevo, Skopia, Rodas, Izmir pe Istanbul. E dibenn an XXvet kantved e veze komzet gant tud diyuzev ivez en porzh Salonika.

Gwechall e veze skrivet kentoc'h gant al [[lizherenneg hebraek]], dreist-holl er [[skritur raschiek]] (''rashi''), evel an darn vrasañ eus ar [[yezhoù yuzevek]]. Bremañ avat e vez skrivet peurliesañ gant al [[lizherenneg latin]], dreist-holl e [[Turkia]] ma vez skrivet hervez reolennoù reizhskrivañ an [[turkeg]]. En [[Israel]] avat e vez graet hervez an [[doare-skrivañ]] ijinet gant Savadur Broadel al Ladinoeg (''Autoridad Nasionala del Ladino''). Evit un nebeud tud all, evel Iacob M Hassán, e vefe gwelloc'h skrivañ hervez reolennoù ar [[spagnoleg]] a-vremañ.

Aet e oa kalz war digresk en {{XXvet kantved}} an niver a dud a ra gant ar [[yezh]]-mañ dre ma oa bet lazhet kalz anezhe gant an [[Naziouriezh|nazied]] e-pad an [[Eil brezel bed]]. Kozh a-walc'h eo an darn vrasañ eus an dud barrek war al ladinoeg hiziv ha ne vez ket desket ganto d'o bugale peurliesañ. 

[[Yezh en arvar|En arvar]] da vont da get e c'hellfe bezañ neuze daoust ma vez desket en-dro gant un nebeud tud yaouank a glask lakaat ar yezh da vont war-raok.

== Gwelet ivez ==
*[[Yezhoù yuzevek]]
*[[Yezhoù yuzev-romanek]]

== Liammoù diavaez ==
*[https://web.archive.org/web/20180802102748/http://www.myladino.com/ Ladino]
*[http://www.ethnologue.com/show_language.asp?code=lad ''Ethnologue'']
*[http://www.aki-yerushalayim.co.il/anl/ Autoridad Nasionala del Ladino]
*Socolovsky, Jerome. "Lost Language of Ladino Revived in Spain", ''Morning Edition'', National Public Radio, March 19, 2007. [http://www.npr.org/templates/story/story.php?storyId=8989551]

{{yezhoù yuzevek}}
{{Yuzevegezh}}
{{porched yezhoù}}

[[Rummad:Meneger yezhoù ar bed]]
[[Rummad:Yezhoù yuzevek]]
[[Rummad:Yezhoù Israel]]