Kriked

Kriked a vez graet eus ur sport bazh-hag-horell ma c'hoari daou skipailh unnek den an eil ouzh egile. War-dro 100 a vroioù a zo emezelet e Kuzul Etrebroadel ar C'hriked (Saozneg : International Cricket Council)

Skipailh Aostralia o c'hoari ouzh hini India.

Istor ar C'hriked

Orin ar sport hag e anv

Chomet eo damsklaer orin ar c'hoari hag orin e anv betek-henn. Ar priñs Edouarzh — a zeuio da vezañ ar roue Edouarzh II a vBro-Saoz — a c'hoarie "creag ha c'hoarioù all" e 1300. N'eus prouenn ebet e vefe ar "C'hreag"-se stumm kentañ ar c'hriked.

Hiziv-an-deiz e chom an anatañ e vefe deuet ar c'hriked diwar ur c'hoari bugale eus su Bro-Saoz, deuet da vezañ ur sport brudet-mat gant an amzer.

Meur a zisplegadenn all a zo lakaet war wel evit displegañ orin ar c'hoari hag an anv anezhañ.