Krennlavaroù flamank
Ar c'hrennlavaroù flamank (Nederlandse Spreekwoorden en izelvroeg), lesanvet ar bed war e gemend-all pe la Huque bleue, zo un daolenn gant al livour flamank Pieter Brueghel gozh, e 1559, hag a zo war ziskouez bremañ er Gemäldegalerie e Berlin. Skeudennaouet eo bet gantañ krennlavaroù pemdeziek e amzer.
Brudet e oa ar c'hrennlavaroù poblek en amzer Bruegel, hag un toullad dastumadegoù a oa bet embannet, unan anezho gant Erasmus.
Munudoù
[kemmañ | kemmañ ar vammenn]Betek 112 krennlavar zo bet kavet, met re all a c'hallfe bezañ bet lakaet c'hoazh gant Bruegel.
Darn a vez lavaret atav, hag en o zouez:
- "neuial a-enep al lanv",
- "ar pesked bras a zebr ar re vihan",
- "skeiñ e benn ouzh ur voger brikez",
- "armet betek e zent".
Darn a gaver e meur a yezh all, evel
- "teurel roz d'ar moc'h", diwar rozen voor de varkens strooien, kar d'ar bomm latin Margaritas ante porcos.
Darn zo dianav er yezh pemdeziek hag a gaver roud anezho e kanaouennoù pe kontadennoù, *bezañ goloet e doenn gant tartez" a dalveze kaout e-leizh a draoù, a laka da soñjal en ti 'tal ar Blavezh Hag a zo toet gant krampouezh hervez ar ganaouenn vrezhonek, ur skeudenn a gaver en e daolenn anvet Luilekkerland (Bruegel) (Bro Gokagn).
Krennlavaroù
[kemmañ | kemmañ ar vammenn]- Emañ ar moc'h e-touez an ed (pep tra zo o vont a-dreuz). Keñveriañ gant an droienn vrezhonek N'emañ ket e voc'h gantañ er gêr.