Keith Haring

Eus Wikipedia
Mont da : merdeiñ, klask
Keith Haring e 1986.

Ganet eo bet Keith Allen Haring d'ar 4 Mae 1958 e Reading e Pennsylvania ha marvet d'ar 16 C'hwevrer 1990 (d'e 31 bloaz) e New York. Arzour, tresour, livour ha kizellour eo er bloavezhioù 1980.

D'e 18 vloaz e heuilh kentelioù tresañ bruderezh en Ivy School of Professional Art e Pittsburgh met kavout a ra ne blij ket a-walc’h dezhañ, ha mont a ra neuze d'ober pezh a blij dezhañ ar muiañ : tresañ. Mougañ a ra buan er gêr-se ha divizout a ra mont kuit da New-York evit emgavout gant tud all. Pa erru eo en em enskriv er School of Visual Art (Skol an Arzoù Delvel). Klask a ra pleustriñ diskiblezhioù evel ar pegañ, al livañ, ar staliadurioù, ar video, hag all, met ar mod eztaol a gar ar gwellañ a zo tresañ c'hoazh. Ne ra morse berrdres ebet ha livañ a ra buan. En emgavout a ra gant arzourien ar vuhez “dindanzouar” e New-York evel Madonna ha Grace Jones. Ganto e ra kalz a ziskouezadegoù hag a arvestoù.

E 1988 e klev ez eo kontammet gant viruz an HAZA. En em deurel a ra er stourmoù a-enep d'ar c'hleñved-se. En ur lakaat e arz hag e vrud vat e servij ar stourm-se da lakaat ar gudenn war-wel.

Dont a ra a-benn da sikour ar vugale ha da harpañ ar strolladoù tud a stourm ouzh an HAZA. E c'hwevrer 1990, d'e 31 bloaz, e varv diwar rouestladoù diwar e gleñved.