Katelin Aostria (1533–1572)
|
|
- Ur bajenn disheñvelout Katelin Aostria zo ivez.
Katharina von Österreich, pe Katelin Aostria, ganet en Innsbruck e 1533 ha marvet e Linz e 1572, a oa ur briñsez aostrian eus an Tiegezh Habsbourg, merc'h da Ferdinant Iañ an Impalaeriezh Santel ha da Anna Jagellon, rouanez Hungaria.
Dugez Mantova e voe dre he dimeziñ kentañ, ha rouanez Polonia dre an eil.
He buhez
[kemmañ | kemmañ ar vammenn]
Seitek vloaz e oa Katharina e 1549, pa voe dimezet da Francesco III Gonzaga, dug Mantova. Hogen pevar miz hepken e padas o friedelezh rak mervel a reas an ozhac'h yaouank diwar ur skeventfo en devoa tapet goude bezañ kouezhet en dour.
Hag an intañvez yaouank en-dro da Aostria, da di he zud.
Pevar bloaz goude, e 1553, ec'h addimezas Katharina da Sigismond II Aogust, roue Polonia ha dug-meur Lituania.
Polonia
[kemmañ | kemmañ ar vammenn]Div wech e oa bet dimezet Sigismund : da gentañ da Elesbed (1526-1545), c'hoar henañ Katelin ; da eil da Varbara Radziwiłł, a oa bet serc'h ar roue a-raok bout pried dezhañ. br /> E miz Mezheven 1553 e voe lidet an eured. E miz Here 1554, pa oa brazez ar rouanez, e reas ur golladenn. Diwar an dezi-se ne reas an darempredoù nemet fallaat etre an daou bried. Katelin ne rae nemet tamall he serc'hed d'ar roue, hag ar re-se a oa anavezet gant an holl el lez, ha goap a veze graet outi ken e veze. Ar roue a grede start e oa mallozhet e euredoù, rak dimeziñ da c'hoar e bried kentañ a gave bremañ a-enep lezenn Doue[1]. A-hed ar bloavezhioù, petra bennak ma oa bet dilennet e dad-kaer da impalaer santel, n'ehanas ket ar roue da glask an aotre da derriñ e eured, hogen en aner. A-benn ar fin e tec'has Katelin e 1566 hag e tistroas da Aostria. Ti bloaz ha tregont bloaz e oa. Ne addimezas ket.
Notennoù
[kemmañ | kemmañ ar vammenn]- ↑ Tennañ a ra an digarez-se da hini Herri VIII Bro-Saoz implijet evit terriñ e eured gant e bried Catherine of Aragon.