Kaozeal:Kaouenn vihan
Salud deoc'h,
N'eus ket pell 'm'oa savet ur fichenn a-zivout ar gaouenn vihan evit ar skolajidi. Kement hag ober 'c'hellfe bezañ ebarzhiet amañ al linennoù-se. N'ouzon ket re penaos 'vez graet. Setu an destenn amañ da heul.
Ma c'hell unan bennak ober war-dro.
Mersi deoc'h.
Ronan Debel
AR GAOUENN VIHAN Athene noctua
Doareoù pennañ
Ul labous-preizh noz eo. Ul labous noz a c’hell bezañ gwelet e-pad an deiz memestra. Bihan eo ar gaouenn vihan. Bihanoc’h evit ur pichon ! Kavet e vez anezhi er Stad-C’hall a-bezh. E Breizh e seblant bezañ niverusoc’h e Breizh-Uhel evit e Breizh-Izel.
Biologiezh
E Breizh e vev e bro ar c’hleuzioù e-lec’h ma vez parkeier, girzhier, bokedoù gwez, mogerigoù, tarrodoù (war an aod). N’eo ket labous ar c’hoadoù. Plijout a ra dezhi an tachennoù « digor ».
Chom a ra e memes lec’h a-hed ar bloaz. N’eo ket ul labous divroañ.
Debriñ a ra amprevaned, logod hag ur wech an amzer labousedigoù, batrasianed ha loened-stlej.
Un toull en ur wezenn pe en ur savadur (un ti pe ur voger) he deus ezhomm a-benn neizhiañ.
Emdroadur
Abaoe fin an Eil Brezel Bed (1945) eo cheñchet kalz doareoù al labour-douar : distrujet ar c’hleuzioù hag ar verjezioù kozh, implijet louzoù da lazhañ amprevaned. Da lâret eo nebeutoc’h a voued hag a lec’hioù da neizhiañ.
Ouzhpenn-se e vez muioc’h-muiañ a otoioù. Kalzik deuzouto a vez lazhet war an hentoù. Gant France-Telecom zo bet savet peulioù goullo staliet an tammig pep lec’h. Klask a ra ar gaouenn mont e-barzh a-benn neizhiañ ha ne zeu ket a-benn da vont kuit…
Gwareziñ
Un tammig pep lec’h e Europa e vez strolladoù tud o klask diskoulmoù evit sikour al labous bihan-se da vevañ. Sevel lochoù koad da neizhiañ a zo unan eus an doareoù d’e sikour.
Er Stad C'hall : http://cheveche.lpo.fr/
E Belgia : http://www.noctua.org/
Boulc’hañ ur gaozeadenn diwar-benn Kaouenn vihan
E pajennoù kaozeal e komzer diwar-benn an tu gwellañ da aozañ endalc’h war Wikipedia. Gallout a rit boulc’hañ ur gaozeadenn nevez er bajenn-mañ evit divizout gant re all penoas gwellaat Kaouenn vihan.
