Kabiten Alatriste

Eus Wikipedia
Sauter à la navigation Sauter à la recherche
Arkebuter eus ar XVIIvet kantved
Banniel Tercio Ambrosio Spinola war-dro 1621

Ar c'habiten Alatriste pe Diego Alatriste y Tenorio, hervez e anv gwir, zo ur soudard spagnol eus ar XVIIvet kantved, hag un haroz e romantoù ar skrivagner spagnolek Arturo Pérez-Reverte. Evel Alexandre Dumas gant d'Artagnan en deus kemeret ar romantour un ofiser un tamm divrud evit ober anezhañ un haroz romantel. Hervez a lenner ell levrioù e vije ganet e León war-dro 1582 ha marvet en emgann Rocroi e 1643 o stourm ouzh an arme c'hall.

Troet eo bet al levrioù e meur a yezh.

Buhez an haroz[kemmañ | kemmañ ar vammenn]

Da 13 vloaz e oa aet da dabouliner gant an arme spagnol goude kuzhat e oad. Kaset e oa bet gant e rejimant, Tercio Viejo Cartagena, da Flandrez. En arme e teuy da vout kabiten. Met e Madrid hag e Spagn e c'hoarvez an darvoudoù kontet el levrioù. Karantez, spierezh, emgannoù, tud brudet ar mare, ha gwerzennoù barzhed diouzh ar c'hiz a gaver ivez.

Ur soudard lemm e deod hag e gleze eo ar c'habiten, prest d'en em gannañ atav. Stourm a rank meur a wech ouzh an Inkizision. Mignon eo d'ar skrivagner Quevedo. Ha sot eo gant c'hoariva Lope de Vega.


Film[kemmañ | kemmañ ar vammenn]

Ur film zo bet savet diwar ar romantoù kentañ.


Ar romantoù[kemmañ | kemmañ ar vammenn]

  • El capitán Alatriste (1996).
  • Limpieza de sangre (1997).
  • El sol de Breda (1998).
  • El oro del rey (2000).
  • El caballero del jubón amarillo (2003).
  • Corsarios de Levante (2006).

Tri all a vije da zont:

  • El puente de los asesinos.
  • La venganza de Alquézar.
  • Misión en París.

Liammoù diavaez[kemmañ | kemmañ ar vammenn]