Inis Oírr
Inis Oírr (Inisheer eo ar stummm saoznekaet) eo an hini vihanañ hag an hini reterañ eus an Inizi Árainn in Bae Gaillimh, en Iwerzhon. An iwerzhoneg eo yezh pemdeziek an annezidi, un 300 bennak a dud.
Abred e voe kristenaet Inis Oírr, evel an div enezenn all, ha sant patrom an enez eo Caomhán, breur sant Caoimhín (Kevin), diazezer manati brudet Gleann Dá Loch (Glendalough). Dezhañ e oa gouestlet an iliz anvet Teampall Chaomháin ha ne chom nemet rivinoù anezhi.
Gallout a reer mont eus an douar-bras da Inis Oírr gant listri a loc'h diouzh porzh Ros a' Mhíl, e Conamara pe diouzh porzh Dúlainn e kontelezh An Clár, pe diouzh an div enezenn all. Bras eo plas an touristerezh e buhez an enez ha dont a ra kalz tud yaouank da beurzeskiñ iwerzhoneg enni.
Skeudennoù
[kemmañ | kemmañ ar vammenn]-
Un draezhenn en Inis Oírr -
Parkeier bihan dispartiet gant mogerioù mein -
An tour-tan
Liammoù diavaez
[kemmañ | kemmañ ar vammenn]- hInis Oírr ar líne / Inis Oírr online (e saozneg hag en iwerzhoneg)