Hunvre ar bloavezh kentañ

Hunvre ar bloavezh kentañ

$X+Y$ eo ment kostezioù ar c'harrez, $(X+Y)^{2}$eo e c'horread neuze, da lavarout $X^{2}+2XY+Y^{2}$, diskouezet amañ gant sammad an takadoù melen + 2 x gwenn + gwer

Hunvre ar bloavezh kentañ (saozneg : Freshman's dream, ur freshman o vezañ ur studier e bloavezh kentañ ar skol-veur) a reer a-wechoù eus ar gevatalenn faos $(x+y)^{n}=x^{n}+y^{n}$, ma'z eo $n$ un niver real (dre voaz : un niver anterin pozitivel brasoc'h eget 1).
Alies e vez graet ar fazi-se gant deraouidi pa jedont galloudadoù sammadoù niveroù real, pa gred dezho e vez ingalet ar galloudadoù war ar sammadennoù.

Pa vez $n=2$ eo aezet gwelet abalamour da betra ez eo ur fazi : $(x+y)^{2}$ a c'heller jediñ dre implijout an distributivelezh evit kavout a disoc'h reizh : $x^{2}+2xy+y^{2}$.
Evit talvoudoù anterin pozitivel $n$ brasoc'h ec'h eo ret jediñ dre formulenn binom Newton.