Guy Pavec
| Reizh pe jener | paotr  |
|---|---|
| Bro ar geodedouriezh | Frañs |
| Anv-bihan | Guy |
| Anv-familh | Pavec |
| Deiziad ganedigezh | 27 Mez 1935 |
| Lec'h ganedigezh | Penharz |
| Deiziad ar marv | 26 Meu 2021 |
| Lec'h ar marv | Landudeg |
| Micher | kizeller |
| Statud e wirioù aozer | Oberennoù dezhe gwirioù aozer |
Guy Pavec (Penharz, 27 Mezheven 1935 – Landudeg, 26 Meurzh 2021) a oa ur c'hizeller breizhat.
Goude e santifikad en doa labouret evel micherour evit sevel tiez, e meur a embregerezh eus Kemper. E-keit ha ma oa o labourat e kemere kentelioù noz e skol an arzoù-kaer. Goude e goñje en Aljeria, e oa aet da artizan bener mein, adalek 1960, ha da gizeller adalek 1975. Buan a-walc’h e voe gwelet pegen barrek e oa, ha pegen brav e oa e labour, gant Yves-Pascal Castel, ur beleg eus eskopti Kemper en deus studiet an arz relijiel e Breizh ha savet meur a levr war an danvez-se. Diwar neuze e krogas Guy Pavec da labourat evit un toullad parrezioù, da gempenn kalvarioù pe da zresañ delwennoù mein.
Ur c'hizeller « a c'hiz kozh » e oa Guy Pavec. Labourat a rae gant e zaouarn, hep sikour binvioù tredan. E-touez al labourioù bet kaset da benn gantañ e c'haller menegiñ delwennoù en iliz Itron Varia ar C’heloù mat en Ospital-Kamfroud, en iliz Sant-Vazhev e Kemper, kalvar Lanzignag e Landelo, ar monumant d’ar re varv e Purid, er Vro Vigoudenn, delwenn Jean Moulin e Kastellin, pe c’hoazh ur monumant d’ar rezistanted e-harz ar Menez C'homm.