Granida

Granida zo ur pezh-c'hoari izelvroek gant Pieter Corneliszoon Hooft skrivet entre 1603 ha 1605, hag embannet en 1615. Un doare bugulgan eo, ha kanet e vez meur a lodenn anezhañ. Berzh a reas er XVII^vet kantved hag awenet e voe meur a livour.

D'ar 1añ a viz Meurzh 1605 e echuas Pieter Corneliszoon Hooft (1581-1647) e bezh. Awenet e oa bet gant e garantez ouzh Ida Quekels, merc'h ur marc'hadour a garas en e yaouankiz.

An istor

E Pers e krog an istor, war ar maez. Kaoz zo entre ar mesaer Daifilo har ar vesaerez Dorilea. Setu ar briñsez Granida o tostaat, kollet ar paour-kaezh e-kreiz un abadenn chase. Ha setu Daifilo prest d'ankouaat Dorilea.

En eil arvest ec'h adkavomp Daifilo e lez roue Pers ma servij Tisiphernes, un den a lez a glask kaout dorn merc'h ar roue, Granida. Un den all avat, Ostrobas, priñs part, a c'houlenn groñs dimeziñ d'ar briñsez. Duvell a vo etrezo da gouzout gant piv, Ostrobas pe Tisiphernes, ez aio ar briñsez.

Temoù

Penndanvez ar pezh eo an enebiezh etre karantez platonek ha gwirvoud ar garantez erotek.

Taolennoù awenet gant ar pezh

Dirck Van Baburen, Ar mesaer Daifilo a ro d'evañ d'ar briñsez Granida, v.1615-1624.
Pieter De Grebber, Granida et Daifilo, v. 1620.
Gerrit Van Honthorst, Granida en Daifilo, 1625. Mirdi Utrecht.
Hendrick Ter Brugghen, Granida ha Daifilo, 1625.
Jan Miense Molenaer, Granida ha Daifilo, 1632.
Jacob Adriaensz. Backer, Granida ha Daifilo, v.1635.
Nicolaes Berchem, Paysage avec la Rencontre de Granida ha Daifilo, v.1646-1649.
Jan van Noordt, Granida ha Daifilo, 1663.
Gerbrand Van den Eeckhout, Poltred ur paotr en Daifilo, 1642.
Gérard de Lairesse, Granida ha Daifilo, v.1665-1668
Bartholomeus Van der Helst, Poltred Anna du Pire en Granida, 1660.
Pieter Van der Werff, Granida ha Daifilo, 1711.

-bloaziadoù dianav:

Pieter Codde (marteze), Granida ha Daifilo
Jan Mytens, Poltredoù tud yaouank en Granida ha Daifilo
Nicolaes Moeyaert, Granida ha Daifilo.