Gwelet an tarzh evit Geun

{{LabourAChom}}
'''Geun''', ur c'heun, a reer eus un ec'honenn [[douar]]où ma'z eus [[dour]]eier warni e-kreiz ur [[struzh]] dourglasker. Kavet e vez geunioù e lec'hioù izelañ pa ne c'hell ket dour an dourredennoù redek fonnus. El lodenn vrasañ eus an takad gleborek-se e vez un niver bras a vevien o vevañ ; darn anezho zo boued evit al loened a zo preizherien dezho. En dour e weler [[amprevan]]ed bihan ha bras, [[buzhug]], [[pesk]]ed, [[bezhin]], tammoù [[plant]] kouezhet. Kement-se a ra un endro pinvidik hag a ro bod da [[loen]]ed neuñv, nij pe red.

==Yezh==
Gerioù all a zo evit ''geun'' : [[Gwern (lec'hanvadurezh)|''gwern'']], ha ''palud'' evit an takadoù gleborek war an aod. E [[Kerne|Kerne-Uhel]] e kaver ar stumm rannyezhel ''yeun'', ha ''gun'' (''ar C'hun'') en [[Eusa]]. [[Kanol (dour)|Kanol]]ioù ha [[san]]ioù a vez kleuzet e-kreiz lod geunioù evit kontrolliñ live an doureier hag aesaat ar [[gounezerezh]].

==Ar geunioù brasañ er bed==
===[[Afrika]]===
[[File:Bangweulu Swamps.jpg|thumb|upright 1.4|Bangweulu Swamp, Zambia]]
*{{Botswana}} : geun an Okavango
*{{Mali}} : geunioù kammdroenn an Niger
*{{Nigeria}} : Delta an Niger
*{{Soudan ar Su}} : [[Sudd]]
*{{Zambia}} : Bangweulu Swamp
===[[Azia]]===
*{{Indonezia}} : geun Asmat
*{{Irak}} : Geunioù Iraq
*{{Rusia}} : geun Vasyugan
===[[Norzhamerika]]===
{|
|+ {{SUA}}
----
|- valign="top"
|
*{{Florida}} : Big Cypress National Preserve
*{{Georgia}} : Okefenokee Swamp
*{{Indiana}} : Limberlost Swamp
*{{Indiana}} & {{Ohio}} : Great Black Swamp
|
*{{Louisiana}} : Honey Island Swamp
*{{Louisiana}} & {{Texas}} : Caddo Lake
*{{North Carolina}} & {{Virginia}} : Great Dismal Swamp
*{{Tennessee}} : Reelfoot Lake
|}
===[[Europa (kevandir)|Europa]]===
*{{Breizh}} : [[geunioù Breizh]] • geunioù ar [[Briver]] • paludoù [[Dol]] • [[paludoù Gwenrann]] • [[Yeun Elez]]
*{{Bro-C'hall}} : marais audomarois, e [[Saint-Omer]]
*{{Poatev}} :  geunioù Poatev
*{{Provañs}} : [[Camarga]]
===[[Suamerika]]===
*{{Brazil}} : Pantanal
*{{Venezuela}} : delta an [[Orinoko]]

==Kredennoù==
E meur a [[sevenadur]] hen e kreded e oa ar geunioù lec'hioù ma veze un tremen etre gorre an douar hag ar bed dindan. En [[Henamzer]] e oa ur brofedez, ar [[Sibilla]], a zibune he c'homzoù kevrinus e-kreiz geun Cumae, tost da [[Napoli]] e kreiz [[Italia]].

Krediñ a rae d'ar [[Kelted|Gelted]] kozh e oa dor an [[ifern]] e kreiz ar geunioù, a gaver stank en o broioù gleborek. [[Anatol ar Braz]] en deus kontet div wech e ''La Légende de la mort chez les Bretons armoricains'' penaos e veze fiziet da lod [[beleg|beleien]] kas ar [[ki|c'hon]] gant speredoù an [[diaoul]] enno da c'heun an Elez (''Yeun Elez'').

== Gwelout ivez ==
* [[Palud sall]]
[[Rummad:Stumm douarel]]