Franck Bonnamour
_(cropped).JPG)
| Reizh pe jener | paotr  |
|---|---|
| Bro ar geodedouriezh | Frañs |
| Anv-bihan | Franck |
| Anv-familh | Bonnamour |
| Deiziad ganedigezh | 20 Mez 1995 |
| Lec'h ganedigezh | Lannuon |
| Tad | Yves Bonnamour |
| Yezhoù komzet pe skrivet | galleg |
| Micher | marc'hhouarner |
| Sport | marc'hhouarnerezh war an hent |
Ganet e Lannuon d’an 20 a viz Mezheven 1995, Franck Bonnamour a zo un reder marc'h-houarn a vicher abaoe 2016.
E familh[kemmañ | kemmañ ar vammenn]
Un afer familh eo ar marc'h houarn : e vamm Christine Gourmelon a zo bet kampionez Frañs rummad an diwanidi e 1981 hag e dad Yves a oa bet e skipailh Super U-Raleigh ha Castorama, evel skoazeller ar penn skipailh.
Remzad amatour[kemmañ | kemmañ ar vammenn]
E 2011 e voe kampion Breizh e rummad ar yaouerien.
Adalek 2012 ,e voe ezel skipailh Lannuon . Gounit a reas an tennad kentañ en ur redadeg e Beljia evit ar re yaouank, Liège-La Gleize hag e tapas eil plas ar renkadur hollek.
Ar bloaz war-lerc’h e 2013 en deus gounezet kampionad Europa.
Remzad a vicher[kemmañ | kemmañ ar vammenn]
E 2016 e voe tutet Franck Bonnamour gant skipailh Fortuneo Vital Konsept evel un ezel skipailh, da lâret eo un den evit harpañ ar penn skipailh da echuiñ ar c’houlzad, neuze ne oa ket re splann e disorc’hoù.
E 2017 en deus kendalc’het e remzad micherel gant skipailh Fortuneo Oscaro. Disorc’hoù kaer a dapas evel e tro Haut Var e-lec’h ma tapas roched ar c’hraper gwellañ. Chom a reas e-touez ar 15 gwellañ reder, da skouer e-pad Pevar devezh Dukark, Priz bras ar Morbihan e Pluveleg ha tro Luxembourg.
E 2018 e rede gant skipailh Fortuneo Samsic.
Disorc’hoù 2020 n’int ket bet dreistordinal.
E 2021, gant ar skipailh B&B hotel KTM, e voe e vravañ koulzad, gant un “top 20” war Challenge Majorca ha tro Bro-C’hall evit ar wech kentañ. Un dro gaer e voe gant un titl levier, ar gwellañ argader ha disorc’hoù e-barzh an “top 7” war un nebeud tennadoù.
Diaes eo bet ar bloavezh 2022 peogwir e kouezhas meur a wech. Tapout a reas lamm e 2023 c’hoazh, gloazet e voe zoken.
E 2024 eo bet nac’het dezhañ kemer perzh e redadegoù peogwir e voe kavet traoù direizh en e baseporzh biologel gant Unvaniezh Etrebroadel ar Marc’h-houarn.
Liammoù diavaez[kemmañ | kemmañ ar vammenn]
- Disorc'hoù Franck Bonnamour
- Franck Bonnamour, sa carrière en 15 photos, Le Télégramme, 12 a viz Gouere 2021.
- Tour de France. Franck Bonnamour élu super-combatif pour son premier Grand Tour, Ouest-France, 17 a viz Gouere 2021
- Un champion qui n'a pas la tête dans le guidon, Ouest-France, 28 a viz Gouere 2013.
- Après son « Tour de rêve », le cycliste Franck Bonnamour veut poursuivre son échappée, Ouest-France, 1 a viz Mae 2022
- « C’est compliqué, mais je ne lâche pas » : la nouvelle saison galère de Franck Bonnamour, Le Dauphiné Libéré, 12 a viz Gwengolo 2023