Frañsez Loren

Eus Wikipedia
Mont da : merdeiñ, klask

Frañsez Loren pe Frañsez Guise (1519-1563), a oa eil Dug Guise.

Mab e oa da Claude Loren (1496-1550), 1añ dug Guise.

Dimezet e oa da Anna d'Este, ur briñsez italian.

E penn Kevre ar Gatoliged e oa e deroù ar brezelioù relijion e Bro-C'hall.

E varv[kemmañ | kemmañ ar vammenn]

Muntret e voe gant ar protestant Jean de Poltrot de Méré, e miz C'hwevrer 1563. Tapet e voe ar muntrer, ha kondaonet da vezañ diempret. Anna avat a gave dezhi e oa bet gourc'hemennet ar muntr gant Gaspard de Coligny, penn bras an hugunoded, ha klask a eure ober prosez dezhañ. E-pad tri bloaz e talc'has an intañvez war ar roue ha war ar varnerien evit kas an afer da benn-vat, hogen e miz Genver 1566 e voe disklêriet gant kuzul ar roue e oa digablus Coligny hag embannet e ranked ober « peoc'h da viken » diwar-benn an afer.