Flavius Claudius Jovianus

Eus Wikipedia
Aller à la navigation Aller à la recherche
Solitus en anv Jovianus.

Jovian, pe Flavius Claudius Jovianus (war-dro 332 - 17 a viz C'hwevrer 364), a voe impalaer roman e-pad eizh miz, eus Mezheven 363 da C'hwevrer 364, war-lerc'h Juluan II.

Mab e oa da Varonianus. Ezel e oa eus korf gwarded an impalaer.

Aet e oa gant Juluan da vrezeliñ ouzh ar Sasanided. Pa varvas Juluan e voe anvet Jovianus da impalaer kerkent gant e soudarded.

Skuizh-divi e oa an arme, berr ar boued, ha dibosubl treizhañ ar stêr Tigris. Neuze e reas ar peoc'h gant ar Sasanided, en un doare mezhus.

Erruout a reas e kêr Edessa. Eno e teuas an eskibien da c'houlenn e ali diwar-benn kelennadurezh an iliz kristen. E Gwengolo 363 ec'h adsavas ar gristeniezh evel relijion-stad.

O tistreiñ da Gergustentin e oa pa varvas e Dadastana.

Dimeziñ ha bugale[kemmañ | kemmañ ar vammenn]

Dimezet e oa Jovian da Charito, merc'h d'ur jeneral anvet Lucillianus. Daou vab o doe, unan anvet Varronianus evel e dad-kozh a-berzh tad, hag unan all ha n'ouzer ket e anv. [1]Patrom:Sfn


Commons
Muioc'h a restroù diwar-benn

a vo kavet e Wikimedia Commons.

Notennoù[kemmañ | kemmañ ar vammenn]

  1. Filostorgi Historia Ecclesiastica VIII.8