Gwelet an tarzh evit Fear and Desire

{{databox}}
[[Restr:Fear and Desire's cast and crew.jpg|270px|thumb|Aktourien<ref>N'emañ ket [[Virginia Leith]] war al luc'hskeudenn.</ref> ha teknikourien ''Fear and desire''.]]
{{Stumm an titl|''Fear and Desire''}}
'''''Fear and Desire''''' (''Aon ha c'hoant'' e brezhoneg) zo ur [[film brezel]] [[saoznek]], sevenet e gwenn ha du gant ar filmaozour [[SUA|stadunanat]] [[Stanley Kubrick]] e [[1953]].

Kentañ film hir Kubrick eo '''''Fear and Desire''''' ha kentañ hini an aktour [[Paul Mazursky]] (a yeas da sevener brudet-mat adalek [[1969]]). Savet da-heul an tri zeulfilm berr ''[[Day of the Fight]]'', ''[[Flying Padre]]'' ha ''[[The Seafarers]]'' e voe anvet ''The Trap'' ha ''The Shape of Fear'' kent tapout e ditl da vat. Dilezel a reas Kubrick e vicher a luc'hskeudenner er gelaouenn ''[[Look]]'' evit kas e raktres da benn.

Arc'hantaouet berr '''''Fear and Desire''''' (pemzek den en holl<ref>[[Toba Metz]], kentañ gwreg Kubrick en o zouez.</ref>) e kavas da Gubrick e oa e film unan amatour ha netra ken all. Ma reas e soñj distrujañ an darn vrasañ eus an eiladoù anezhañ. Adsavet e voe an oberenn diwar un eilad orin, bet kavet dre zegouezh e [[2010]].

Gant ar film brezel-mañ e krogas Stanley Kubrick gant unan eus e zodennoù pennañ — ur strollad soudarded rediet d'ober dibaboù — a vo adkavet diwezhatoc'h e ''[[Paths of Glory (film)|Paths of Glory]]'' ([[1957]]) ha ''[[Full Metal Jacket]]''.

==Fichenn deknikel==
* Doare : Brezel, Drama,
* Skoazeller-sevener : [[Robert Dierks]],
* Senario : [[Howard Sackler]]<ref>Daremprediñ a reas Kubrick pa oant o-daou e [[William Howard Taft High School]] e New York.</ref>,
* Kevredad produiñ : Stanley Kubrick,
* Produourien : Stanley Kubrick ha [[Martin Perveler]]<ref>Eontr Stanley Kubrick.</ref>,
* Dasparzhet gant : [[Joseph Burstyn]],
* Rener ar skeudenniñ : Stanley Kubrick,
* Ijinour ar son : Stanley Kubrick,
* Aozer ar sonerezh orin : [[Gerald Fried]],
* Kinklour : [[Herbert Lebowitz]],
* Farder : [[Chet Fabian]],
* Frammer : Stanley Kubrick,
* Prantad filmañ : [[1951]],
* Lec'hioù filmañ : [[San Gabriel Mountains]] ([[Kalifornia]]),
* Deiziadoù dont er-maez :
** 1953 : [[31 a viz Meurzh]] ([[New York]]), [[1añ a viz Ebrel]] ([[Restr:US flag 48 stars.svg|20px]] [[Stadoù-Unanet]]),
** [[2008]] : [[20 a viz Du]] (''Paura e desiderio'' {{Italia}}),
** [[2012]] : [[14 a viz Du]] (doare adsavet {{Bro-C'hall}}),
** [[2013]] : [[13 a viz Meurzh]] (film DVD {{Alamagn}}), [[3 a viz Mae]] ({{Japan}}), [[20 a viz Du]] (da-geñver 26{{vet}} Panorama of European Cinema en [[Aten]]),
** [[2014]] : [[29 a viz Genver]] (film DVD {{Finland}}), [[7 a viz Eost]] ({{Gres}}).
* Padelezh : 62'.

==An danvez==
E-pad ur brezel diwar faltazi : ur gedred pevar [[soudard]] a chom sac'het en tu-hont da linennoù an enebourien goude bezañ kouezhet o c'harr-nij eno.

==Roll ar gomedianed==
* [[Frank Silvera]] : ar [[serjant]] Mac,
* Paul Mazursky : ar soudard Sidney,
* [[Kenneth Harp]] : al [[letanant]] Corby/ar [[jeneral]],
* [[Stephen Coit|Steve Coit]] : ar soudard Fletcher/ar [[kabiten|c'habiten]],
* [[Virginia Leith]] : ar plac'h,
* [[David Allen]] : mouezh an daneveller.

==Liammoù diavaez==
*[http://www.imdb.com/title/tt0045758/?ref_=ttspec_ql  '''''Fear and Desire''''' war Internet Movie Database]
*[http://www.youtube.com/watch?v=6dNdAIU3dC0  Tañvadenn ar film adsavet]

== Notennoù ha daveennoù ==
{{Daveoù}}

[[Rummad:Filmoù 1953]]
[[Rummad:Filmoù brezel]]
[[Rummad:Filmoù SUA]]
[[Rummad:Stanley Kubrick]]