Mezheven
(Adkaset eus Even)
Sauter à la navigation
Sauter à la recherche
| Genver · | C'hwevrer · | Meurzh · | Ebrel · | Mae · | Mezheven · | Gouere · | Eost · | Gwengolo · | Here · | Du · | Kerzu |
| ||||||||||||||||||||||||||||||||||||||||||
C'hwec'hvet miz ar bloaz eo Mezheven en deiziadur gregorian.
Hervez ar steredoniezh eo an 21 a viz Mezheven goursav-heol an hañv en hantervoul norzh, ha gousav-heol ar goañv en hantervoul su, a verk kreiz pep rannamzer. Kentañ deiz an hañv ofisiel eo avat en Norzh, ar goañv ofisiel er Su.
Gerdarzh[kemmañ | kemmañ ar vammenn]
Keltiek eo anv miz Mezheven, eus *mediosaminos, "kreiz an hañv".
Yezhoù all[kemmañ | kemmañ ar vammenn]
Junius e oa e latin, en enor d'an doueez roman Juno hervez Ovidius. Ur gerdarzh all a c'hallfe bezañ, diwar anv Lucius Junius Brutus, diazezer ar Republik roman.
Krennlavarioù[kemmañ | kemmañ ar vammenn]
- « Noz ar Wenngaouenn / Etre Mae ha Mezheven », diwar-benn noz kentañ ar miz. »[1]
- « Da c'houel ar Pentekost / Al lin a ra an dro da gern an tog » [2]
- « Da c'houel Barnabaz / Gant ur forniad poazh / Hag un all en arc'h / E paseo a-walc'h » [3]
- « Da c'houel Pêr / E yay ar goukoug d'ar gêr » [4]
- « Da c'houel Pêr, plantañ kignen / Da c'houel Pêr, skoulmañ kignen / Da c'houel Pêr, tennañ kignen »
- « Da c'houel Yann / E yay ar goukoug d'al lann » [5]
- « Da c'houel Yann e vez eizh eur da guzh-heol »
- « Gouel Yann a rann an deiz e daou damm »
- « Miz Even a ra al lin / Ha Gouere er gra fin »
- « N'eo ket graet gant e vamm / Neb a glev ar goukoug nav devezh goude gouel Yann »
- « Sant Ronan, dilost Mae / A laka kerc'h el lec'h na vez » [6]
- « Ur park zo gwall fall / Mar da viz Even ne dalv »