Entrechat (barrez)

E barrez klasel ec'h implijer an termen entrechat evit deskrivañ ur pas ma lamm an dañser(ez) en aer o kroaziañ buan-ha-buann an eil troad dirak hag a-dreñv egile meur a wezh renk-ouzh-renk, peurliesañ en ur lammat adalek ar pempvet emstumm hag o tont en-dro war al leur en hevelep emstumm.

Kontet e vez bep entrechat eus daou betek dek hervez an niver a groaziadur ret, o jediñ pep kroaziadur evel div fiñvadenn, da lâret eo unan evit pep troad. Da skouer, gant un entrechat quatre e vez kaset da-benn div fiñvadenn gant pep troad.

Daou doare entrechat pennañ ez eus: ar re bar (niver par a fiñvadennoù, anvet deux, quatre, six, huit ha dix), o tont en-dro war al leur war an daou droad war un dro; hag ar re ampar (niver ampar a fiñvadennoù, anvet trois, cinq, sept ha neuf), o tont en-dro war al leur war un troad nemetken.