Enger

Eus Wikipedia
Mont da : merdeiñ, klask

Er yezhoniezh e vez implijet an termen enger (saoz: infix) evit komz eus ur vorfemenn stag implijet evel kenger ouzhpennet e diabarzh ur vorfemenn bennañ, anvet ar wrizienn, da skouer e serieg:

ic ("hadañ", gwrizienn unander) > "itóoc ("hadañ", gwrizienn liester)


Daoust ha ma'c'h eo ral-kenañ implij engerioù er yezhoù indezeuropek ha yezhoù all Europa e vezont implijet stank er yezhoù aostronezek hag Yezhoù yezhoù aostrezaziatek, zoken gant ar gerioù amprestet digant yezhoù estren, da skouer e tagalogeg:

Implijet e vez ar verb saoznek graduate ("achuiñ ar studioù"). Evit sevel ar stumm ober e reer er yezh-se gant an enger -um- ouzhpennet goude silabenn gentañ ar wrizienn, ha diwar-se e teu stummoù evel grumaduate ("achuiñ a ris ma studioù").

En arabeg e kaver engerioù ivez a-wezhoù, dreist-holl a-drugarez d'an doare ma vez c'hoariet er yezhoù semitek-se gant patromoù gwiriziennoù teirlizherennek ar verboù, da skouer


Enger: -ت- -t-
جهد jahada "strivoù a reas" > اجتهد (i)jtahada "labourat a reas kalet"
(Tennañ a ra an <i> er penn-kentañ da reolennoù distagañ an arabeg)


A-wezhoù e vez komzet eus engerioù, da skouer er yezhoù bantouek pa dennont e gwirionez padal da rakgerioù pe lostgerioù renk-ouzh-renk, da skouer ul lostger eo eg er ger kevrennek-mañ daosut ha ma teu etre ar wrizienn hag ur vorfemenn all:

"gallekaat"
GALLgwriziennEGlostgerAATlostger


Gwelit ivez[kemmañ]