Dmitry Muratov

Dmitri Andreïevitch Mouratov (ruseg: Дмитрий Андреевич Муратов, ganet d'an 30 a viz Here 1961) a oa ur c'hazetenner rusian, Dindan e renerezh e teu ar gazetenn Novaïa Gazeta da vezañ brudet abalamour d'he c'helaouadennoù don diwar-benn sujedoù kizidik evel ar gouarnamant diroll ha gwallañ gwirioù mab-den.

A-drugarez d'e obererezh evit difenn frankiz ar c'hazetennoù e c'hounezas meur a c'haredon, en o zouez priz Nobel ar Peoc'h.

Buhezskrid

Yaouankiz

Dmitri Muratov a oa bet ganet d'an 30 a viz Here 1961 e Kouïbychev, anvet Samara hiziv an deiz. E-pad pemp bloaz e studias e Skol-veur Filologiezh Skol-veur Stad Kouïbychev, ma oa sot gant ar c'hazetennoù. E-pad e studioù er skol-veur e oa kazetenner darnamzer e kazetennoù eus ar vro.

Goude bezañ studiet e Skol-veur-Stad Kuybyshev (e Skol-veur-Stad Samara en deiz hiziv), Muratov en doa servijet en arme soviedel e-pad meur a vloavez

Kefridi kazetenner

E-kreiz ar bloavezhioù 1980 en deus kroget da labourat evel kazetenner er Volzhsky Komsomolets (« Kevre ar gomunourien yaouank eus Volzhsky »), ha goude en doa kemeret perzh er Gomsomolskaia Pravda (« Kevre ar yaouankiz komunour evit ar wirionez »).E 1991 e oa aet an Unaniezh soviedel war ziskar ha goude-se e oa bet lakaet strishadurioù d’ar mediaoù. Daou vloaz diwezhatoc'h e voe krouet Novaya Gazeta gant Muratov ha kazetennerien all eus Komsomolskaïa Pravda. Skoazellet e vije bet ar gazetenn pro-demokratel gant ar prezidant soviedel Mikhail Gorbatchev a oa bet roet dezhañ ul lodenn eus an arc'hant bet roet dezhañ gant ar priz nobel 1990. Krog e oa Muratov da vezañ eilskridaozer e-pad ar brezel etre 1994 ha 1995 e Tchetchenia. E 1995 e teuas Muratov da vezañ pennskridaozer. Daoust ma oa bet dilezet e blas e 2017 e oa distroet d’ar post-se daou vloaz diwezhatoc’h.

Prizioù

Dmitri Mouratov zo mil anavezet evit e briz nobel ar peoc'h e 2021* met gounezet neus prizioù a raok . Gopret e oa bet Dmitri Muratov gant prizioù e-leizh evit e labour dreistordinal war e dachenn. E 2007 e oa bet enoret gant Priz etrebroadel frankiz ar c'hazetennoù gant ar Poellgor evit gwareziñ ar c'hazetennoù, o saludiñ e galonegezh. E miz Genver 2010, gouarnamant Frañs en doa anavezet e engouestl frankiz ar gazetennerien en ur reiñ dezhañ urzh broadel al Lejion a enor, an enor keodedel uhelañ e Frañs. E miz Mae 2010 e oa aet da Izelvroioù evit resev priz ar pevar frankiz en anv an Novaïa Gazeta. E 2016 e oa bet enoret gant Kevredigezh vedel ar c'hazetennoù. D'an 8 a viz Here 2021 e oa bet roet Priz Nobel ar Peoc'h da Dmitri Muratov, asambles gant Maria Ressa. Gouestlet en deus ar priz-se da gazetennerien an Novaïa Gazeta drouklazhet, en o zouez Igor Domnikov, Iouri Chtchekotchikhine, Anna Politkovskaïa , Anastassia Babourova, Natalia Estemirova a Stanislav Markelov. Hag lavarout a ra ma vije sezizet er poellgor Nobele votfe evit Alexei Navalny rak e deus un dazont c'hazetener skedus dirazañ