Selkoupeg

Un yezh ouralek eus is-skourr yezhoù samoyedek ar su eo ar selkoupeg pe samoyeded ostyakek (selkoupeg: шӧльӄумыт әты šöľqumyt әty, "yezh tud ar c'hoadeg"; ruseg: cелькупский язык sel'kupskij jazyk), komzet gant tro-dro da 1.570 den (diwar 3.600 den en holl) e Tom Oblast, Rannbarzh Emren Yamalo-Nenets, Krasnoyarski krai ha Tomskaya oblast e Rusia (Europa) (1994).

Meur a nav disheñvel a vez roet d'ar yezh-mañ e pep rannyezh:

шӧльӄумыт әты šöľqumyt әty;
чумыль ӄумыт әты čumyľ qumyt әty;
сӱccӱ ӄумыт әты śüssü qumyt әty;
шӧш ӄумыт әты šöš qumyt әty;
тӱй ӄумыт әты tüj qumyt әty

Teir rannyezh ez eus, diaezet da gompren kenetreze a-wechoù:

Selkoupeg an norzh (taz pe tazov-baishyan): 1.400 den (diwar 1.700 den en holl);
Selkoupeg ar c'hreiz (tym, kety pe narym); 150 den (diwar 1.700 den en holl);
Selkoupeg ar su (srednyaya ob-ket); 20 den (diwar 200 den en holl);

Daoust ha ma vez komzet rannyezh an norzh gant 90% eus an dud ne vez ket komzet gant ar re yaouankañ daoust ha ma vez kelennet er skolioù.