Riksdag

Savadur ar parlamant, war enezennig Helgeandsholmen, e-kreiz Stockholm.

Diabarzh ar parlamant.

Ar Riksdag (anvet en un doare ofisiel e svedeg: Sveriges Riksdag) eo parlamant Sveden. N'eus nemet ur gambr ouzh e ober, enni 349 c'hannad (anvet e svedeg riksdagsledamöter), dilennet evit pevar bloaz.

Emañ ar Riksdag war enezennig Helgeandsholmen, e-kreiz Stockholm.

Dont a ra an anv Riksdag eus an droienn riksens ständer (pe "rikets ständer", "stadoù ar rouantelezh"), a ra meneg eus ar "stadoù" a veze bodet enno dileuridi an tri urzh a oa e kevredigezh Sveden gwechall (noblañs, kloer hag ar re all). Kar eo ar ger Riksdag d'an anv alamanek Reichstag (implijet evit meur a barlamant alaman betek 1945).

Setu amañ anvioù ar strolladoù politikel o deus kannaded er Riksdag, abaoe votadeg 2006 :

• Socialdemokratiska Arbetarepartiet (130 sez; 35,2% eus ar mouezhioù)
• Moderata Samlingspartiet (strollad ar c'hentañ ministr Fredrik Reinfeldt; 97 sez ; 26,1% a vouezhioù)
• Centerpartiet (29 ; 7,9%)
• Folkpartiet Liberalerna (28 ; 7,5%)
• Kristdemokraterna (24 ; 6,6%)
• Vänsterpartiet (22 ; 5,8%)
• Miljöpartiet de Gröna (19 ; 5,2%)