Savielly Tartakower

Savielly (Xavier) Tartakower, bet ganet d'an 22 a viz C'hwevrer 1887 e Rostov-an-Don en un tiegezh aostriat-poloniat, marvet d'ar 4 a viz C'hwevrer 1956 e Pariz (Bro-C'hall).

E dud, yuzev, a voe drouklazhet e-doug ur pogrom pa oa 12 vloaz.

Kemer a reas perzh er Brezel Bed Kentañ er armeoù aostro-hungariat. Dont a reas goude da Vro-C'hall. Dibab a reas neuze bout keodedour poloniat, daoust dezhañ bout divarrek war ar poloniek. E-pad an Eil Brezel Bed e kemeras perzh er Rezistañs. Goude an Eil Brezel Bed, ne faotas ket dezhañ distreiñ da Bolonia, deut da vout komunour. Broadet e voe Gall.

Meurc'hoarier echedoù gall-poloniat. Kelenn a reas da Miguel Najdorf. Kemer a reas perzh en ur bern tournamantoù etrebroadel gant disoc'hoù a-zoare, da skwer e Vienna (1923), e Londrez (1927) hag e Hastings (1946).

Skrivet e voe gantañ ur yoc'h pennadoù er c'hazetennoù arbennik ha kalz a levrioù ivez.

Oberennoù skrivet

• Savielly Tartakower, La partie d'échecs hypomoderne;

• Xavier Tartacover, Tartakover vous parle, Petite Bibliothèque Payot, Embannadurioù Payot, Pariz.

• Savielly Tartakower ha J. du Mont, 500 Master Games of Chess by Savielly Tartakower and J. du Mont, Dover Publications, June 1, 1975, ISBN 0-486-23208-5. (bet embannet a-raok e div levrenn gant G. Bell & Sons, 1952.)

• Xavier Tartacover, Bréviaire des échecs, unan eus al levrioù kinnig e galleg.

• Savielly Tartakower, My Best Games Of Chess 1905-1954, Dover Publications, 1985, ISBN 0-486-24807-0. Klok-kenañ eo al levr-mañ.