Miltiades

Gant ar ger Miltiades e tegouezher amañ. Evit sterioù all ar ger, gwelit Miltiades (disheñvelout).

---

Miltiades ar yaouankañ.

"Tokarn Miltiades". Profet e oa an tokarn da templ Zeus en Olimpia gant Miltiades, a oa bet e penn an Ateniz a drec'has ar Bersed en Emgann Marathon. Enskrivadur war an tokarn : ΜΙLTIAΔES. Mirdi arkeologiezh Olimpia.

Miltiades pe Miltiades ar Yaouankañ (henc'hresianeg Μιλτιάδης ὁ Νεώτερος, Miltiades o Neotepos), ganet war-dro 550 a-raok J.-K. ha marvet e 489 a-raok J.-K.) a oa niz Miltiades an henañ. Dont a reas tirant trevadennoù gresian C'hersonesos Trakia war-dro 516 a-raok J.-K., goude kemer ar galloud dre nerzh ha lakaat e gevezerien e prizon. Eurediñ a reas Hegesipile, merc'h ar roue Olorus Trakia. E vab Kimon a voe unan eus tud pennañ Aten er bloavezioù 470 ha 460 a-raok J.-K. E penn brezelourien Aten e oa Miltiades pa oa trec'het ar Bersed en emgann Marathon.