Anna Rusia

An impalaerez Anna.

Anna Ivanovna (e ruseg Анна Иоанновна) (7 a viz C'hwevrer 1693 - 28 a viz Here 1740) a voe dugez Courland etre 1711 ha 1730 hag impalaerez Rusia etre 1730 ha 1740.

Anna a oa merc'h da Ivan V ha nizez da Pêr Veur. Euredet e voe da Frederick Wilhelm, dug Courland, e miz Du 1710. Abred e voe intañvez pa varvas he fried e-kerzh ar veaj a gase anezho da Sant Petersbourg e miz Genver 1711. Ne addimezas ket.

Kurunennet e voe goude marv Pêr II e 1730.

Anavezet eo evit bezañ adsavet ar polis surentez a oa ur benveg da spontañ hec'h enebourien.

Dre n'he doa ket fiziañs en noblañs kozh rusian e roas ar c'hargoù pouezusañ er gouarnamant da Alamaned.

A-raok mervel e tisklêrias Ivan VI da hêr evit ma chomfe tron Rusia gant diskennidi he zad, Ivan V. Met nebeud goude he marv e teuas a-benn Elesbed da gemer ar galloud.

En he raok Pêr II

Impalaerez Rusia 1730 – 1740

War he lerc'h Ivan VI