Deadpool
Deadpool, pe Wade Winston Wilson, zo un dudenn ijinet er c'homics stadunanat gant Marvel Comics. Krouet eo bet gant ar skrivagner Fabian Nicieza hag an tresour ha skrivagner Rob Liefeld. Un enep-haroz eo ha gwelet e oa bet evit ar wech kentañ en The New Mutants #98 (e miz C'hwevrer 1991). Da gentañ e oa Deadpool un dudenn vil ; gant an amzer ez eo deuet da vezañ kentoc'h un enep-haroz. Deadpool, Wade Wilson e anv gwir, zo ur goprsoudard disneuziet gant ur galloud dreistordinal a-fed pareañ e gorf. An dudenn a zo brudet evel "Merc with a Mouth" dre ma vez atav o komz hag oc'h embann traoù droch pe farsadennoù.