Cristina Fernández de Kirchner

Eus Wikipedia
Cristina Fernández de Kirchner

Cristina Elisabet Fernández de Kirchner a oa bet ganet d'an 19 C'hwevrer 1953 e La Plata, en Arc'hantina.

Alvokadez eo, dilennet e oa bet da senedourez Buenos Aires d'an 23 Here 2005.

Dilennet e oa bet da brezidantez gant 44,70 % eus ar mouezhioù d'an 28 Here 2007. D'an 10 a viz Kerzu 2007 e oa aet e penn ar vro, da heul he gwaz, Néstor Kirchner.

E dibenn 2011 e oa bet addilennet ha prezidantez eo bet bet dibenn 2015.

Studioù[kemmañ | kemmañ ar vammenn]

Cristina Fernández zo bet e skol-veur La Plata hag aet un diplom a alvokadez ganti e 1979. D'an 9 Meurzh 1975 e timezas gant ur studier, Néstor Kirchner e anv, anezhañ ur stourmer er Partido Justicialista evelti. Annez a rejont e proviñs Santa Cruz, ma labourjent war o c'hont. 2 vugel o deus : Máximo ha Florencia.

Remziad politikel[kemmañ | kemmañ ar vammenn]

Cristina de Kirchner gant he gwaz pa oa aet ar maout ganti en dilennadegoù prezidant

Er bloavezhioù 70 e krogas Cristina Fernández da stourm e Tendencia Revolucionaria, ul lodenn eus ar Partido Justicialista. Da zilennadez proviñs Santa Cruz ez eas e 1989 hag e 1993.

E 1995 e voe dilennet evel kannadez hag e 2001 evel senedourez.

Pa n'ez eas ket he gwaz war ar renk evel prezidant e klaskas bezañ dilennet en e lec'h. D'an dro gentañ e voe dilennet e penn ar vro.

Liammoù diavaez[kemmañ | kemmañ ar vammenn]