Clementine (meziant)

Clementine
Kentañ stumm	C'hwevrer 2010
Stumm diwezhañ	1.3.1 (19 Ebrel 2016)
Endro	Lies-savenn (GNU/Linux, Mac OS X, Windows)
Yezhoù	Lies-yezh
Doare	Lenner sonerezh
Skrivet e	C++, Qt
Lec'hienn web	www.clementine-player.org/br

Clementine zo ul lenner sonerezh modern lies-reizhad hag ur poellad evit merañ sonaoueg, awenet gant Amarok. Tu zo neuze da staliañ Clementine war ar reizhadoù da-heul : GNU/Linux, Mac OS X ha Windows.

Clementine zo digoust, diorroet ha troet gant tud a-youl-vat.

Savennoù a c'hell lakaat Clementine da vont en-dro

Clementine azo ur poellad a ya en-dro war un niver bras a reizhadoù korvoiñ.
Tu zo neuze da staliañ Clementine war ar reizhadoù da-heul :

• GNU/Linux
• Mac OS X
• Windows (Windows 2000, Windows XP, Windows Vista ha Windows 7 en o zouez)

Arc'hweladurioù

Un nebeud a arc'hweladurioù a gaver er stumm glan :

• klask ha lenn sonerezh war un urzhiataer ;
• selaou ar skingomz dre Internet adalek Spotify, Grooveshark, Last.fm, SomaFM, Magnatune, Jamendo, SKY.fm, Digitally Imported, JAZZRADIO.com, SoundCloud, Subsonic servers hag Icecast ;
• klask ha selaou sonerezh war Box.com, Dropbox, Google Drive, SkyDrive hag Ubuntu One ;
• krouiñ rolloù seniñ speredek ha rolloù seniñ dinamek ;
• lenn pladennoù kleved ;
• komzoù, buhezskridoù arzourien ha fotoioù ;
• treuzkodañ sonerezh MP3, Ogg Vorbis, Ogg Speex, FLAC pe AAC ;
• kemmañ tagoù ar fichennaouegoù MP3 ;
• klask hag engargañ podkastoù ;
• engargañ golo an albom a vank war Last.fm hag Amazon ;
• eilañ sonerezh war iPod, iPhone, MTP pe USB ;
• sevel ul listenn gortoz.