Castle (stirad skinwel)
Castle a zo ur stirad skinwel stadunanat krouet gant Andrew W. Marlowe (war ar skeudenn), 157 rann a 42 munutenn ennañ. Bet eo bet skignet abaoe an 9 a viz Meurzh 2009 asambles er Stadoù-Unanet gant American Broadcasting Company (ABC) hag e Kanada aux gant CTV Television Network.
Skignet e vez e Frañs abaoe ar 5 a viz Gouere 2010 war France 2.
An istor[kemmañ | kemmañ ar vammenn]
Ur skrivagner evrogneveziat brudet a romantoù polis, Richard Castle, a zo erru skuizh gant e haroz Derrick Storm. Souezhet eo an holl pa ziviz e lazhañ en e levr diwezhañ.
E-kerzh an abadenn aozet gant e embanner evit lidañ ermaeziadenn al levr e kej Richard gant al letanant polis Kate Beckett. Ul lennerez feal eo ha karget eo d'ober un enklask a-zivout muntroù heñvel ouzh ar re bet ijinet gant Richard en e levrioù.
Ur wech diskoulmet an afer e c'houlenn Castle digant e vignon ar maer an aotre da gemer perzh evel alier en enklaskoù da zont al letanant Beckett. Dedennet-kenañ eo gant personelezh ar vaouez yaouank ha c'hoant en deus ober ganti harozez ur rummad nevez a romantoù : Nikki Heat.
Hegaset eo hi gantañ er penn kentañ met dre ma labouront asambles war an enklaskoù e tiwan karantez etre an daou daoust dezho klask kuzhat o santadoù e-pad pell.
Aktourien[kemmañ | kemmañ ar vammenn]
- Nathan Fillion a zo Richard Castle
- Stana Katic a zo al letanant (kabiten goude) Kate Beckett
- Jon Huertas a zo al letanant lieutenant Javier Esposito
- Seamus Dever a zo al letanant Kevin Ryan
- Tamala Jones a zo an Doktor Lanie Parish
- Ruben Santiago-Hudson a zo kabiten Roy Montgomery er c'houlzadoù 1,2 ha 3.
- Molly Quinn a zo Alexis Castle, merc'h Castle
- Susan Sullivan a zo Martha Rodgers, mamm Castle
- Penny Johnson Jerald a zo kabiten Victoria Gates eer c'houlzadoù 4 hag 8.
- Toks Olagundoye a zo an enseller Hayley Shipton adalek ar c'houlzad 8.