Gwelet an tarzh evit C (lizherenn)

Ul lizherenn eo '''c''', pe '''C'''. 

== Urzh ==
Trede lizherenn al [[lizherenneg latin]] eo, ha naontekvet lizherenn al [[lizherenneg kirillek]] eo ivez hervez urzh al lizherenneg [[Ruseg|rusek]]. 

== Distagadur ==
El [[lizherenneg fonetik etrebroadel]] e talvez [c] kement hag ur [[Kensonenn staon dre serriñ divouezh|gensonenn staon dre serriñ divouezh]].

Kemm a ra talvoudegezh al lizherenn skrivet hervez ar yezhoù:
* distaget e vez /k/:
** e [[kembraeg]] atav
** er skrivadurioù "ca, co, cu" e [[galleg]], [[spagnoleg]] ha [[portugaleg]];
** er skrivadurioù "ca, co, cu" e [[saozneg]]; 
* distaget e vez /s/:
** e [[ruseg]] atav;
** dirak ''i'' hag ''e'' (ce, ci) e [[galleg]], [[spagnoleg]] ha [[portugaleg]];
** dirak ''i'' hag ''e'' (ce, ci) e [[saozneg]] (gant nemedennoù evel ''Celt'', ''celtic'', ''soccer''... avat);
* distaget e vez /tch/:
** (ce, ci), en italianeg;
* distaget e vez /ts/:
** er yezhoù baltek;
** er yezhoù slavek skrivet gant al lizherenneg latin;
** en [[hungareg]], [[albaneg]]...
* distaget e vez /dj/;
** e [[turkeg]], [[azerieg]], [[tatareg]], [[kurdeg]]...

== E brezhoneg ==
Trede lizherenn al lizherenneg vrezhonek eo e deroù 11 ger e [[Geriadur brezhoneg An Here]], ha 7 anezho zo [[arouezioù kimiek]]<ref>[[Geriadur brezhoneg An Here]], p. 201.</ref>. 
Implijet e vez e [[brezhoneg]] evit skrivañ ar son [k], evel e-barzh [[corrida]], pe e gerioù all amprestet gant ar brezhoneg digant yezhoù all. <br />

En ur ger bennak e vez lennet al lizherenn C evel ma vez graet e galleg dirak ''e'' hag ''i'', da lavaret eo [s], evel e-barzh [[CD-ROM]]<ref>Geriadur brezhoneg An Here, p. 201</ref>, pe [[hacienda]]<ref>Geriadur brezhoneg An Here, p. 599.</ref>.

== Kelenn ==
Tud zo a gav ne dleje ket bezañ kelennet er c'hentañ derez dre ma n'emañ ket el [[lizherenneg ar brezhoneg]].<br />
E gwirionez emañ al lizherenn ''c'' e div oberenn ha ne vezont ket implijet gant skolidi ar c'hentañ derez: 
* [[Geriadur brezhoneg An Here]]
* [[La grammaire bretonne pour tous]], gant [[Eugène Chalm]].

== Lizherennoù all ==
* [[ç]] e galleg ha portugaleg, distaget [s]

Diorroet e oa bet diwar patrom al [[Lizherenneg ar gresianeg|lizherenn c'hresianek]] [[Sigma (lizherenn)|sigma loarel]].

=== Notennoù ===
<references/>

== Pennadoù kar ==
* [[ch]]
* [[c'h]]
* [[lizherenneg ar brezhoneg]]


{{Lizherenneg latin}}
{{-}}
{{Lizherenneg kirillek}}

{{Porched yezhoù}}

[[Rummad:Sistemoù-skritur alfabetek]]
[[Rummad:Lizherennegoù]]
[[Rummad:Lizherenneg kirillek]]
[[Rummad:Lizherenneg latin]]