Bug

Eus Wikipedia
(Adkaset eus Bugelenn)
Bug (Ruscus aculeatus bugelenn liliacea)
Hugennoù ar bug

Ar bug, pe bugelenn (Ruscus aculeatus) zo brousgwez eus ar seurt anvet Liliaceae pe Ruscaceae, da lavarout eo ur seurt kelenn bihan.
"Beuz-bleiz", "gargel", "gargelenn" a veze graet anezho gant Anjela Duval.

Delioù lemm zo dezho, hugennoù ruz ha kontammus, ha bleunioùigoù a gresk en o c'hreiz.
Ar savioù yaouank a c'heller debriñ kriz pe poazh, evel an asperjez gouez ; pistrius eo ar frouezh koulskoude.
En Il-ha-Gwilun e vezent gwerzhet war marc'had Roazhon betek an Eil brezel-bed, rollet e stumm ur voulenn hag a servije neuze da gempenn ar gegin, betek en oaled ; begoù an delioù a servije da skrabañ ha da lemel kuit ar gramenn. Ur paotr-ludu eus Roazhon a lavare en o implije bemdez evit skrabañ tuellennoù ar siminalioù.

Er Gironde e vezent implijet evit fardañ un troad skubelenn.

Er I kantved eo bet implijet gant al louzaouer gresian Dioscoride evit talañ ouzh poanioù ar merc'hed en o forzhioù pe en o mizoù, ouzh an drougoù er c'hwezigell.

Anvioù all[kemmañ | kemmañ ar vammenn]

  • Beuz an diaoul, beuz-bleiz, banal-bugel.

Pennad-kar[kemmañ | kemmañ ar vammenn]