Brooklyn Nine-Nine
| Brooklyn Nine-Nine | |
|---|---|
| |
| Krouer | Dan Goor Michael Schur |
| Aktourien bennañ | {{{Aktourien bennañ}}} |
| Bro orin | SUA |
| Doare | Polis, Fent |
| Koulzadoù | 8 |
| Abadennoù | 153 |
Brooklyn Nine-Nine zo ur sitkom stadunanat hag a gont troioù-kaer skipailh departamant polis New York (NYPD) komiserdi n°99 Brooklyn. Jake Peralta, un igounier bourdus, eo an dudenn bennañ. Pennadiñ a ra alies ouzh urzhioù ar c'habiten nevez ha dic'hoarzh a zo o paouez erruout, Raymond Holt.
Skignet eo bet war Fox adalek miz Gwengolo 2013 ha war NBC adalek miz Genver 2019 betek miz Gwengolo 2021. Roet eo bet Golden Globe ar stirad skinwel doare komedienn wellañ d'ar c'houlzad kentañ ha Golden Globe an aktour gwellañ en ur stirad skinwel doare komedienn da Andy Samberg hag a c'hoari an igounier Jake Peralta. Un Emmy Award zo bet gounezet gant Andre Braugher hag a c'hoari ar c'habiten Raymond Holt.
An istor[kemmañ | kemmañ ar vammenn]
Heuliañ a reomp troioù-kaer skipailh komiserdi 99 Brooklyn, Raymond Holt en e benn, ur c'habiten afroamerikan hag heñvelreviat hag a chom dic'hoarzh atav. Jake Peralta zo un igounier hag a zeu a-benn da ziskoulmañ kalz aferioù daoust da vezañ distenn ha mibilius. An igounierez stresset Amy Santiago, an igounier lent ha leal ha mignon gwellañ Jake Charles Boyle, an igounierez kinek Rosa Diaz hag ar serjant korfembreget Terry Jeffords eo an tudennoù pennañ all hag a ya war-lerc'h tordefourien New York. Ar skoazellerez velestradurel droukc'hoapaus Gina Linetti hag an igounierien gozh, lezirek ha sklouf Michael Hitchcock ha Norm Scully a weler alies ivez er c'homiserdi, zoken ma ne seblant ket bezañ kalz labour war o chouk.
Komedianeta[kemmañ | kemmañ ar vammenn]
- Jake Peralta eo Andy Samberg
- Rosa Diaz eo Stephanie Beatriz
- Terry Jeffords eo Terry Crews
- Amy Santiago eo Melissa Fumero
- Charles Boyle eo Joe Lo Truglio
- Gina Linetti eo Chelsea Peretti
- Raymond Holt eo Andre Braugher
- Michael Hitchcock eo Dirk Blocker
- Norm Scully eo Joel McKinnon Miller
Degemer ar stirad[kemmañ | kemmañ ar vammenn]
Roet eo bet d'ar c'houlzad kentañ ur skor a 89% gant Rotten Tomatoes, hag ur skor a 100% d'an eil koulzad.
Azesaet eo bet ar sitcom e Kebek e 2020, dindan an anv "Escouade 99".
Liammoù diavaez[kemmañ | kemmañ ar vammenn]
- Pajenn gant NBC
- Pajenn gant Fox
- Brooklyn 99 kinniget gant IMDb