Bertrada Prüm
Bertrada (wd 670 - wl 721), anvet ivez Berthe pe Bertree, priñsez verovingat , a oa mamm Caribert Laon, ha kendiazezerez abati Prüm gant he mab e 721. Mamm-gozh da Bertrada Laon, mamm Karl Veur, eo eta.
E 721 ivez, ha dirak Caribert adarre, e legadas douaroù da abati Echternach, diazezet e 697 gant Irmina Oeren.
Dizemglev zo da c'houzout piv e oa he zud, ha meur a zisplegadenn zo bet roet, ha setu div anezho:
- marteze e oa merc'h d'ar senesal Hugobert hag Irmina Oeren. N'ouzer ket piv e oa he fried
- marteze e oa merc'h da Theuderic III, roue Neustria hag Aostrazia, ha Clotilda Heristal. Dimezet e vije bet da Martin Laon.
Levrlennadur
[kemmañ | kemmañ ar vammenn]- Christian Settipani, Les ancêtres de Charlemagne, Société atlantique d'impression, 1989, 172 p. (ISBN 2-906483-28-1)