Bertha Torino (1051-1087)
Bertha Torino (1051-1087), pe Bertha Savoia, Bertha de Maurine, a oa ur briñsez eus Savoia hag a deuas davout impalaerez santel.
He buhez
[kemmañ | kemmañ ar vammenn]Merc'h e oa da Oton Iañ Savoia (war-dro 1023-1060) ha d'e bried Adelaid Susa (1016-1091), pe Adelaid Torino. C'hoar e oa da
- Pêr Iañ Savoia : 4vet kont Savoia (1048-1078).
- Amedeo II Savoia : 5vet kont Savoia (1050-1094).
- Adelaid Savoia (1052-1079) ,
- Othon pe Odon, eskob Asti marvet war-dro 1088)
Dimeziñ a reas e 1066 da Herri Frankonia a voe dilennet da impalaer santel e 1084. Ne gare ket e wreg ha meur a serc'h en doa. Klask a reas terriñ an eured, met nac'h a reas ar pab reiñ e aotre dezhañ.
Bec'h a voe etre an impalaer Herri IV hag ar pab Gregor VII, eskumunuget e voe Herri, ma rankas plegañ en un abadenn brudet a c'hoarvezas e Canossa e miz Genver 1077.
He mamm Adélaïde de Suse hag he breur Amédée II de Savoie a eas da hanterourien etre ar pab hag an impalaer, hag a sikouras Herri. Hag an impalaer a roas Bugey da Amédée II de Savoie, ha markizelezh Ivrea da Adélaïde de Suse.
Dimeziñ ha bugale
[kemmañ | kemmañ ar vammenn]Pemp bugel o doe Bertha ha Herri:
- Adelaid (1070 - 1079)
- Herri (ganet ha marvet en 1071)
- Agnese Frankonia (1074 - 1143) a zimezas da Frederig Iañ dug Swabia da gentañ ha, pa voe intañvezet, da Leopold III Aostria
- Konrad Germania (1074 - 1101) : dug Lotharingia Izel, dug Lothier, markiz Torino (1076-1087), roue ar Romaned (1087-1098), roue Italia (adalek 1093 betek 1098).
- Herri, a renas war-lerc'h e dad evel Herri V, impalaer santel (1086 - 1125)
He marv
[kemmañ | kemmañ ar vammenn]Mervel a reas e 1087, da 36 bloaz. Beziet e voe en iliz-veur Speyer
