Beotukeg
Ur yezh digenvez eo ar beotukeg (Beothuk) bet komzet gwechall gant ar Veotuged, pobl-orin an Douar-Nevez.
Mervel a reas an holl Veotuked ha mervel a reas o yezh gante, ha daoust d'an nebeud roudoù dre skrid a vanas war o lerc'h n'eo ket anavezet mat ar yezh-se. Evit lod e tlefe bezañ renket e-touez ar yezhoù algonkek met e gwirionez ez eo diaes a-walc'h prouiñ al liamm-se abalamour d'an diouer a ditour.