Bank (azezenn)
.JPG)
Ur bank, pe skaoñ, zo ur pezh arrebeuri a c'hall meur a zen azezañ warnañ.
Boutin[kemmañ | kemmañ ar vammenn]
Ar seurt boutinañ, gwechall, a oa gant ur planken, strizh a-walc'h, a-led war daou blanken all, evel daou droad, a-serzh. Pa veze hir-mat e c'halle bezañ tri zroad, kement ha dougen pouez muioc'h a dud.
En ilizoù protestant, pe e kor an ilizoù katolik, e vez uheloc'h ha ledanoc'h ar bankoù, hag ur c'hein oute ouzhpenn.
Materi[kemmañ | kemmañ ar vammenn]
Peurvuiañ e vezent graet gant koad. Koulskoude, ar re a gaver e-kreiz ar c'hêrioù d'ar bourmenerien d'ober un diskuizh, a vezgraet gant materioù all: mein, simant, plastik. Darn o devez brec'hioù zoken.
Bankoù Breizh[kemmañ | kemmañ ar vammenn]
E Breizh, war ar maez, betek dibenn an XXvet kantved, ec'h azeze an dud ouzh taol war bankoù koad. Ne veze ket a gadorioù en tier paourañ.
En ilizoù e oa bankoù ivez evit ar vugale ha kadorioù evit an dud vras. Er chapelioù, a oa paouroc'h, ne veze nemet bankoù.
