Aukštaitija

Aukštaitija (Uheldirioù e lituaneg) zo unan ag ar pemp rannvro dudoniel a zo e Lituania. Donet a ra hec'h anv a uhelder ar c'horn-bro-se, dreist-holl en takadoù ar reter, e-skoaz ar peurrest eus Lituania.

Douaroniezh

Emañ Aukštaitija e biz Lituania. Bout zo enni ivez lodennoù dister a Latvia hag a Velarus. Kêr vrasañ ar rannvro eo Panevėžys gant 100 000 a annezidi. Ar c'hêrioù pennañ enni zo (ouzhpenn 20 000 annezad):

Panevėžys - 119,749 ("kêrbenn" ar rannvro)
Jonava - 34,954
Utena - 33,860
Kėdainiai - 32,048
Visaginas - 29,554 (savet da vare an URSS ha poblet a dud o tonet a lodennoù arall an ez-URSS)
Ukmergė - 28,759
Radviliškis - 20,339

Goloet eo ar rannvro gant lennoù, dreist-holl er reter.

Istor

Savet eo bet Dugelezh Veur Lituania en XIIvet kantved gant al Lituaned, ur meuriad balt, a veve en Aukštaitija. He c'hêrbenn gentañ a voe Kernavė. E feur-emglev Gediminas e 1322, e vez graet terra Eustoythen ('Takad an Aukštaitijaned') eus Aukštaitija. Lod he lak da gavell Lituania.

Tudoniezh

Al lodenn vrasañ ag an dud a gomz Aukštaitijaneg, ur rannyezh ag al lituaneg (Rannet eo bet al lituaneg e div rannyezh: Aukštaitijaneg, er reter hag er Su, ha Samogitianeg (pe Žemaitijaneg) e kornôg Lituania, al lodenn vrasañ ag an isrannyezhoù o tennañ d'an hini kentañ). Monet a ra implij ar rannyezh-se war zisteraat avat.

Bout zo minorelezhioù rusianek (ma n'eo ket rusian da vat) ha Belarusek er reter, war harzoù Belarus.