Arnodoù nukleel gall
Betek-henn ez eus bet 210 arnod nukleel gall . Abaoe 1996 he deus gouestlet Bro-C'hall paouez da vat gant an arnodoù nukleel. Abaoe e vez graet arnodoù-seblant.
Kentañ arnodoù ar Sahara (1960-1966)
[kemmañ | kemmañ ar vammenn]An arnodoù en aer e Reggane
[kemmañ | kemmañ ar vammenn]Un dachenn da vannañ a oa bet krouet e Reggane, e-kreiz dezerzh ar Sahara, 700 kilometr er c'hreisteiz da Colomb-Béchar. Bannet e veze ar bombez adalek un tour savet en Hamoudia, un 50 kilometr bennak er mervent da Regganne
| Deiz | Anv an arnod | Nerzh (e kilotonnennoù TNT) |
|---|---|---|
| 13 C'hwevrer 1960 | Gerboise bleue | 70 KT |
| 1añ Ebrel 1960 | Gerboise blanche | nebeutoc'h eget 5 KT |
| 27 Kerzu 1960 | Gerboise rouge | nebeutoc'h eget 5 KT |
| 25 Ebrel 1961 | Gerboise verte | nebeutoc'h eget 5 KT |
E danevell-vloaz Komiseriezh an nerzh atomek c'hall e 1960 ez eus diskouezet un takad kontammet a 150 km hed war-dro.
War-lerc'h poutch ar jeneraled, pe poutch Alger, d'an 23 a viz Ebrel 1961 e c'hourc'hemennas ar gouarnamant gall ma vije lakaet ar vombezenn Gerboise verte da darzhañ d'ar 25 a viz Ebrel evit ma ne lakaje ket an emsavidi o c'hrabanoù warni[1].
Arnodoù dindan an douar en Hoggar
[kemmañ | kemmañ ar vammenn]Ret e oa da Vro-C'hall dilezel an arnodoù en aer, hag ober anezho dindan zouar, dilousoc'h. Dibabet e voe ober anezho en In Ecker (Sahara), er c'hreisteiz da Reggane hag ur 150 km en hanternoz da Tamanrasset.
Notennoù
[kemmañ | kemmañ ar vammenn]- ↑ Peter Feaver et Peter Stein, Assuring Control of Nuclear Weapons: The Evolution of Permissive Action Links, CSIA Occasional Paper #2, Lanham, MD: University Press of America, 1987