Arme Turkia
| Deiziad krouiñ | 1920  |
|---|---|
| Anv er yezh a orin | Türk Silahlı Kuvvetleri |
| Stad | Turkia |
| Aozadur mamm | Ministry of National Defense |
| Isaozadur | Turkish Land Forces, Turkish Naval Forces, Turkish Air Force |
| Perc'henn war | General Staff Building |
| Sez sokial | General Staff Building |
| Darvoud-alc'hwez | 2016 Turkish coup d'état attempt |
| IPv4 routing prefix | 194.27.30.0/24 |
| Lec'hienn ofisiel | https://www.tsk.tr/ |
Arme Turkia (turkeg : TSK, Türk Silahlı Kuvvetleri, "Nerzhioù Lu Turkia") eo arme Republik Turkia. Krouet e oa bet e 1920, da vare diskar an Impalaeriezh otoman goude ar Brezel-bed Kentañ. Hervez ar vonreizh emañ prezidant ar vro, Recep Tayyip Erdoğan hiziv an deiz, en he fenn. E Çankaya (proviñs Ankara), emañ he sez.
Aozadur
[kemmañ | kemmañ ar vammenn]Rannet eo etre tri skourr :
- arme-zouar (Türk Kara Kuvvetleri) : 401.500 soudard
- arme-vor (Türk Deniz Kuvvetleri) : 45.000 soudard oberiant, 55.000 soudard en adarme
- arme-aer (Türk Hava Kuvvetleri) : 50.000 soudard[1]
An Archeriezh (Jandarma Genel Komutanlığı) hag ar Warded-aod (Sahil Güvenlik Komutanlığı), pep hini anezho o vezañ fiziet ennañ galloudoù milourel ha polis, a zo suj d'an nerzhioù surentez diabarzh, dre Vinistrerezh an Diabarzh, e-pad ar mareoù peoc'h. Pa vez mareoù brezel e vezont suj d'an tirlu ha d'ar morlu.
-
Arouez an tirlu -
Arouez ar morlu -
Arouez an aerlu
E 2025 e oa renket evel an 9vet arme galloudusañ er bed gant GFP, just a-dreñv da Frañs ha Japan[2]. An eil arme en AFNA eo a-fed niver a soudarded (883.900 e 2025), a-dreñv da hini ar Stadoù-Unanet. 47 miliard a zolaroù a oa budjed Ministrerezh an Difenn e 2025[3].
Dafar
[kemmañ | kemmañ ar vammenn]Hervez GFP o doa e 2025 an nerzhioù armet turk[3] :
- 2.238 tank
- 61.173 karbed
- 3.041 pezh kanolierezh
- 182 lestr-vrezel
- 1.080 karbed-nij
Implij
[kemmañ | kemmañ ar vammenn]Abaoe dibenn an XXvet kantved eo bet oberiant arme Turkia evit ABU pe AFNA en ur gas soudarded da Jorjia, Kongo, Sierra Leone, Bosnia-ha-Herzegovina, Afghanistan pe Haiti[4]. Boaz eo ivez da enebiñ ouzh an nerzhioù armet kurd, ma vefe ar PKK war tiriad Kurdistan mestroniet gant Turkia pe e broioù zo tro-dro evel Siria. E miz C'hwevrer 2018 e voe lazhet ar breton Olivier Le Clainche ("Kendal Breizh") en ur vombezadeg kaset gant aerlu Turkia[5] war Jandairis (Siria).
Liammoù diavaez
[kemmañ | kemmañ ar vammenn]- (en) Lec'hienn ofisiel
Daveennoù
[kemmañ | kemmañ ar vammenn]- ↑ (en) International Institue for Strategic Studies, The Military Balance 2024, 13/02/2024, ISBN 978-1032780047, p. 149
- ↑ (en) Global Fire Power, 2025 Military Strength Ranking (lennet d'an 23/03/2025)
- ↑ 3,0 ha3,1 (en) Global Fire Power, 2025 Turkiye Military Strength (lennet d'an 23/03/2025)
- ↑ (en) Turkey, a key role in international peace and security, war lec'hienn ministrerezh an Difenn turk (pellgarget d'an 23/03/2025)
- ↑ (fr) GOURIN Didier, Olivier Le Clainche mort avec les Kurdes par idéal, Ouest-France, 20/02/2018 (lennet d'an 23/03/2025)