Gwelet an tarzh evit Ar C'hab

{{Implijoù all}}{{databox}}
[[Restr:Canton de Pont-Croix(Position).png|thumb|Kanton Pontekroaz e ruz]]
'''Ar C'hab''' evel m'emañ distaget gant tud ar vro, pe '''ar C'hab-Sizun''' (''Le Cap-Sizun'' e galleg) pa vez kaoz anezhañ e douaroniezh, e istor pe ez-ofisiel, a zo e penn pellañ [[Kerne]] hag a glot gant [[Kanton Pontekroaz]]. 

Dont a ra e anv leun, diimplij bremañ e brezhoneg, eus anv [[Enez-Sun]] (diwar ''Sizun'').

==Douaroniezh==
En hanternoz emañ [[Bae Douarnenez]], er c'hreisteiz emañ [[Bae Gwaien]]. Er reter emañ ar Vro-C'hlazik hag ar [[Bro-Vigoudenn|Vro-Vigoudenn]]. Er c'hornôg emañ [[Bae an Anaon]], etre daou veg: [[Beg ar Raz]] ha [[Beg ar Vann]]; ha dirak Beg ar Raz emañ [[Enez-Sun]].

==Lec'h ar galloudoù ==
Kantvedoù-pad e voe aber ar Waien, da vezañ komprenet evel ar [[gwazh-mor|Wazhienn(-vor)]], ur skoilh bras etre al lodenn vrasañ e gwalarn ha Ploeneg ha Mahalone gevred. Pontekroaz e penn an aber a voe lec'h ar c'henwerzh a, diouzh-se lec'h ar galloudoù. Gwaien, ur porzh pesketaerien bihan a-walc'h a-raok an 19vet kantved a zo aet da vezañ kreñvoc'h a-fed niver ar boblañs ha lec'hiadur ar servijoù publik

==Kaper==
*''Kaper'' ha ''Kaperien'' a vez graet eus gwazed ar vro. Ur ''Gapenn'' a vez lâret eus ur plac'h.
==Kumunioù, kumuniezh kumunioù ha kanton kozh== 
Klotañ a ra kumunioù ar C'hab gant an 12 a zo e [[kanton Pontekroaz]] kozh a zo bet kendeuzet gant hini Douarnenez, met ne glot ket gant [[Kumuniezh kumunioù ar C'hab Sizun]], pa n'hellas ket kumun Enez-Sun mont e-barzh, en abeg ma n'eus ket tailhoù lec'hel da vezañ rannet evit ar servijoù etrekumunel.
[[Restr:Côte nord Cap Sizun.jpg|thumb|left|250px|War aod hanternoz ar C'hab ez eus begoù hag oufoù. Amañ e weler Karn Uhel hag enezennig ar Milinou e parrez [[Goulien]].]]
#[[Beuzeg-ar-C'hab]] ;
#[[Kledenn-ar-C'hab]] ; arservijoù kumuniezhel.
#[[Gwaien]], a ro hec'h anv da [[Bae Gwaien]] ;
#[[An Eskevien]] ;
#[[Goulien]] ; (teuziet gantkanton Douarnenez)
#[[Enez-Sun]], an enezenn dirak [[Beg ar Raz]],
#[[Mahalon]] ;
#[[Koñforzh-Meilar]] ;
#[[Plougoñ]], ma oa ur greizenn nukleel da vezañ savet a-raok 1981, e [[Feunteun an Aod]]; enni emañ [[Beg ar Raz]]
#[[Ploeneg]] ;
#[[Pontekroaz]], ma oa ur [[kloerdi|c'hloerdi]] bihan kozh a voe lojet ennañ an archerien kaset da Blougoñ.
#[[Prevel]].

== Banniel ==
[[Restr:Cap Sizun traditional district flag.svg|thumb|Banniel anofisiel.]]
N'eus banniel ofisiel ebet evit ar c'horn-bro-se, koulskoude eo bet kinniget unan gant [[Mikael Bodlore-Penlaez]]. Ne reer ket kalz gantañ avat.

==Lennegezh==
* ''Ar C'haper droch'', ur gontadenn fentus gant [[Ivon Krog]].
* ''Contes du Cap-Sizun'', troet diwar ar brezhoneg gant Roger Gargadennec, Librairie d'Amérique et d'Orient Adrien Maisonneuve Paris, 1973
* ''Eñvorennoù ur C'haper droch'', gant Eugène Chalm, [[Hor Yezh]].
== Levrlennadur == 
* [[Serge Duigou]] ha [[Jean-Michel Le Boulanger]], ''Cap-Sizun - Au pays de la pointe du Raz et de l'île de Sein'', Éditions Palantines, 2005, 239 fajenn, ISBN 2-911434-45-5
* Corentin Parcheminou,''La Révolution au fond du Cap-Sizun'', [[1935]], adembannet en [[2003]] gant Le Livre d'Histoire-Lorisse, Paris, ISBN 2-84373-286-7 ;
* [[Paul Cornec]], ''Pilleurs du Cap! Ar beñsearien er C'hab er {{XVIIIvet}} kantved'', Editions du Cap Sizun, [[2001]], ISBN 2-9516122-1-4
* Paul Cornec,''Le Couvent des Capucins d'Audierne, 1657-1795'', Editions du Cap Sizun
* ''Hyacinthe Le Carguet, un passeur de mémoire en Cap-Sizun'', kinniget gant Paul Cornec, Editions du Cap-Sizun [[Gwaien]] - ISBN 2-9516122-3-0, 332 bajenn.
* Paul Cornec,''Audierne et le Cap-Sizun sous la Révolution'', Editions du Cap Sizun, 2011

===Gwelet ivez===
* [[Kanton Pontekroaz]]
* [[Mirva ar C'hab]]

===Liammoù diavaez===
* [https://web.archive.org/web/20210304205543/http://cap-sizun.info/ Cap-sizun.info]
* [http://www.cap-sizun.fr lec'hienn ofisiel ar gumuniezh kumunioù]
* [https://web.archive.org/web/20081228042300/http://bcapsizun.bonvxnet.info/ lec'hienn ofisiel ar gevredigezh "Cap Sizun"], ur skloup grilheta
{{Broioù hengounel Breizh}}
[[Rummad:Kab Sizhun]]
[[Rummad:Bae Douarnenez]]
[[Rummad:Kaboù Breizh]]