Angelo Moore

Angelo Moore, anavezet dindan anv "Dr. Maddvibe", a zo kaner ha saver ar strollad Fishbone. Ur barzh a zo anezhañ, hag ober a ra abadennoù "komzet" e kluboù, festivalioù barzhoniezh ha kafedioù. E 1996 e sav un dorkad a varzhoniezh, "Dr. Maddvibe's Comprehensive Linkology". Dimezet e voe gant ur plac'h a gejas el lise. Ganti en devoe ur mab, Cheyenne Starr Forever Moore, met torr-dimeziñ a rejont.