Angelo Branduardi

Angelo Branduardi zo ur sonskriver (cantautore en italianeg) italian ganet d'an 12 a viz C'hwevrer 1950 e Cuggiono, damdost da Vilano, kêr-benn Lombardia.

Seniñ a ra un toullad binvioù: biolin, gitar, dulcimer.
Gant e albom kentañ, Branduardi e 1974, e reas berzh bras.
Skrivet ez eus bet e rae ur seurt folk-rock krennamzerel.
E meur a yezh e kan: — italianeg, galleg, saozneg, spagnoleg, yezhoù kozh — skridoù Sergei Essenin, Federico Garcia Lorca, Francesco d'Assisi, un albom penn-da-benn en deus graet da William Butler Yeats, ar barzh iwerzhonat.

Savet en deus tonioù evit filmoù, enrollet sonerezh a wechall (oberennoù Giorgio Mainerio) ha livet taolennoù.

E bladennoù[kemmañ | kemmañ ar vammenn]

Gwelout Pladennoù Angelo Branduardi.
1974: Branduardi '74 (ur bladenn italianek hag unan saoznek)
1975: La luna (albom)
1976: Alla fiera dell'est
1977: La pulce d'acqua
1978:
- À la foire de l'est (doare gallek Alla fiera dell'est)
- Highdown fair (doare saoznek Alla fiera dell'est)
1979:
- Cogli la prima mela
- La demoiselle (doare gallek La pulce d'acqua)
1980:
- Va où le vent te mène (doare gallek Cogli la prima mela)
- Life is the only teacher (doare saoznek Cogli la prima mela)
- Fables and fantasies (doare saoznek La pulce d'acqua)
- Gulliver, la luna e altri disegni
1981:
- Confession d'un malandrin (doare gallek Gulliver, la luna e altri disegni)
- Branduardi '81 (embannet ivez e galleg)
1983: Cercando l'oro (embannet ivez e galleg : Tout l'or du monde)
1986: Branduardi canta Yeats
1988: Pane e rose (embannet ivez e galleg: Du pain et des roses)
1990: Il ladro
1992: Si può fare
1993: Ça se fait (doare gallek Si può fare)
Futuro Antico 1
1994: Domenica e lunedì
1995: La menace (doare gallek Domenica e lunedì)
1998: Il dito e la luna
1999: Futuro Antico 2
2000: L'infinitamente piccolo (embannet ivez e galleg, alamaneg, gresianeg, flandrezeg)
2002: Futuro Antico 3 (Mantova, sonerezh an duged Gonzaga )
2003: Altro ed altrove
2005: Platinum Collection (dastumad sonioù kozh, gant tonioù nevez)
2007: Futuro Antico 4 (Venezia)
2009: "Futuro Antico, Musica della Serenissima gant laz-seniñ "Scintille di Musica" Francesca Torelli.
2009: Senza Spina (un albom “pop”)
2009 Futuro Antico 6, Roma e la Festa di San Giovanni, gant laz-seniñ "Scintille di Musica" Francesca Torelli.