Andrzej Sapkowski

Eus Wikipedia
Andrzej Sapkowski
Andrzej Sapkowski
Anv pluenn Andrzej Sapkowski
Obererezh Skrivagner
Troour
Ganedigezh D'an 21 a viz Even 1948
e Łódź, Banniel Polonia Polonia
Yezh skrivañ Polonek
Enorioù
Oberennoù pennañ
The Witcher

An teir-oberenn Narrenturm


Sinadur Andrzej Sapkowski signature.JPG

Lec'hienn ofisiel www.andrzejsapkowski.pl/

Andrzej Sapkowski (distagadur polonek : [ˈandʐɛj sapˈkɔfskʲi]) ganet d'an 21 a viz Even 1948 a zo ur skrivagner moliac'h brudet a orin eus Polonia. Bet eo ivez troour hag ekonomiour, ha skrivagner ar romantoù The Witcher.

Er bloavezh 2014 e oa bet enoret Sapkowski gant ar vedalenn evit dellid d'ar sevenadur– Gloria Artis (Zasłużony Kulturze - Gloria Artis)[1].

Andrzej Sapkowski o komz e-pad ar Polcon 2015

Fent en deus Andrzej Sapkowski er vuhez a pemdez kement hag en e levrioù, a-wechoù e teu a-benn da feukañ an dud hep kaout ar c'hoant. D'ur goulenn e-pad ur Polcon war ar c'hoarioù e respontas "ne anaveze den en devoa c'hoariet d'ar c'hoarioù... Dre ma chome tost ouzh tud speredek".

Istor[kemmañ | kemmañ ar vammenn]

Sapkowski a oa bet studier war an ekonomiezh, a-raok mont gant hent ar skrivañ, e oa bet labouret gantañ evel gwerzher evit un embregerezh eskemmoù marc'hadourezhioù etrebroadel. Krog e voe gant hent ar skrivañ evel troour, dreist-holl oberennoù skiant-faltazi. Diskleriañ a ra en devoa bet skrivet e c'hentañ danevell "The Witcher" ("Wiedźmin") a daol-trumm evit gellout kemer perzh en ur genstrivadeg skiant-faltazi ha moliac'h aozet gant ar gelaouenn polonat Fantastyka.

Brud bras a reas kerkent hag embannet. Sapkowski a grouas ur c'helc'hiad istorioù adal an danevell e-bed ar sorserien Wiedźmin gant teir dastumad danevelloù pe istorioù berr ha pemp romant. Ar c'helc'hiad hag al levrioù tro-dro o deus degaset brud war an aozour ha lakaet war-raok ar vro da geñver sevenadur. Ar berzh bras a voe graet gant an heuliad c'hoarioù video The Witcher a zegasas ur brud er-maez d'eus Europa o vont etrezek ar bed holl.

Feuket e oa bet an aozour o welet e oa brudetoc'h an adsevel doare c'hoarioù video eget e romantoù[2].

Romantoù[kemmañ | kemmañ ar vammenn]

Heuliad The Witcher[kemmañ | kemmañ ar vammenn]

Titl orin Titl e Brezhoneg 1añ embannadur
0. Wiedźmin Ar Sorser 1990
1. Miecz przeznaczenia Kleze an tonkad 1992
2. Ostatnie życzenie An het diwezhañ 1993
3. Krew elfów Gwad an elfed 1994
4. Czas pogardy Amzer ar c'hounnar 1995
5. Chrzest ognia Badez an tan 1996
6. Wieża Jaskółki Tour ar gwennili 1997
7. Pani Jeziora Itron al lenn 1999
8. Sezon burz Mare ar c'horventennoù 2013

Notennoù ha daveennoù[kemmañ | kemmañ ar vammenn]