Ana de Mendoza de la Cerda

Eus Wikipedia
Sauter à la navigation Sauter à la recherche
Disambiguation.svg Ur pennad Ana de Mendoza zo ivez.
Ana de Mendoza, priñsez Éboli

Ana de Mendoza de la Cerda y de Silva y Álvarez de Toledo (Cifuentes, 29 a viz Mezheven 1540 - Pastrana, 2 a viz C'hwevrer 1592) a oa ur briñsez spagnol a zouge an titloù a IIvet dugez Francavilla, IIvet priñsez Mélito, IIvet kontez Aliano hag IIvet markizez Algecilla a-berzh he zad ; ouzhpenn-se e oa priñsez Éboli, dugez Estremera, dugez Pastrana ha markizez Diano, a-berzh he fried Ruy Gómez de Silva, priñs portugalat ha harp d'ar roue spagnol Felipe II, met anavezetoc'h eo evel Priñsez Éboli

He buhez[kemmañ | kemmañ ar vammenn]

Bugeliezh[kemmañ | kemmañ ar vammenn]

Ana de Mendoza a oa ganet en un tiegezh spagnol eus ar re c'halloudusañ en hec'h amzer: tiegezh Mendoza, eus Mendoza, en Araba. Merc'h nemeti he zud e oa. He zad, Diego Hurtado de Mendoza y de la Cerda, a oa I dug Francavilla ha I priñs Mélito ha besroue Aragón, hag he mamm, María Catalina de Silva y Álvarez de Toledo, a oa merc'h da gont Cifuentes.

Pa voe daouzek vloaz Ana en 1553, e sinas paperioù hec'h eured da Ruy Gómez de Silva, erbedet gant ar priñs Felipe, a oa da vezañ ar roue Felipe II. He fried a oa priñs Éboli, ur gêr eus Rouantelezh Naplez, ha ministr d'ar roue. Kargoù Ruy a oa kaoz ma ranke chom en Bro-Saoz, hag er pemp bloaz kentañ eus o friedelezh ne voent ket hiroc'h eget tri miz a-gevret.

Ur vaouez a spered hag a gened e oa e lez Spagn. Evit koll he lagad dehou n'eus nemet martezezoù. Hervez lod e vije bet gloazet gant beg un arm a oa etre daouarn ur floc'h pa oa hi bugel. Kement-se avat ne seblant ket asur : marteze e-lec'h bornez e oa luchez, hep prouenn ebet avat.

Bec'h gant Teresa de Jesús[kemmañ | kemmañ ar vammenn]

Teresa de Jesús a savas bec'h etre priñsez Éboli ha hi.

Ana hag he fried a c'houlennas div gouent eus leanezed ar C'harmez divotoù en Pastrana. Bec'h a savas gant al leaned hag al leanezed ha dreist-holl gant Teresa de Jesús, anavezet ivez evel Tereza Avila, peogwir e felle da Ana e vije savet ar c'houentoù hervez he c'hoant, ma voe gorrekaet al labourioù.