Alain de Benoist

Eus Wikipedia
Aller à la navigation Aller à la recherche

Alain de Benoist (moranvioù : Fabrice Laroche, James Barney pe Robert de Herte) zo un embanner gall ganet d'an 11 Kerzu 1943 e Teurgn. Azaouezet eo evel penn-prederour luskad an tu Dehou Nevez.

Orin hag oberenn[kemmañ | kemmañ ar vammenn]

Eus ar werin e teu e vamm, tra ma teu e dad eus an noblañs. E vamm-gozh a labouras evel sekretourez gant Gustave Le Bon e-pad pell. Un niz bihan eo da Gustave Moreau, ul livour pouezus eus luskad an Arouezelezh.

Alain de Benoist zo penn-skridaozer ar c'hazetennoù Nouvelle École ha Krisis hag e vez gwelet evel damkanour kentañ an Nouvelle Droite (Dehou Nevez). Anavezet eo muioc'h en estrenvro (Italia, Alamagn, Rusia hag all...) eget e Bro-C'hall hiziv an deiz. Pagan a reer anezhañ tra ma tifenn ur sell ouzh al liesdoueegezh dezhañ. E brederouriezh politikel a vez anvet alies Dehoù an Diforc'hioù. Diorroet e vez mennozhioù gantañ tro-dro ar rannvroelezh, an europaelezh hag al lec'helezh gant kealoù enep-arnevez ha hengounel. A-wezhioù e vez graet labourioù istorel gantañ hag eñ en em wel evel Istorour ar Mennozhioù.