Agustín Fernando Muñoz y Sánchez
Ur pennad Muñoz zo ivez. Ur pennad Sánchez zo ivez.
Agustín Fernando Muñoz y Sánchez (Tarancón, 4 a viz Mae 1808 - An Havr-Nevez, 11 a viz Gwengolo 1873) a oa un ofiser spagnol, kentañ Dug Riánsares ha kentañ Markiz San Agustín, a oa eil pried Maria Cristina an Div Sikilia (1806-1878), Rouanez Spagn ha rejantez Spagn.
Buhez
[kemmañ | kemmañ ar vammenn]Skoaz-ouzh-skoaz gant e bried María Cristina e savas embregerezhioù da aozañ linennoù-houarn en Asturiez ha Bro València hag arc'hant bras a rejont.
Ne oa ket troet gant ar politikerezh ha nac'h a reas kurunenn Ecuador pa deuas pennadurezhioù ar vro-se d'he c'hinnig dezhañ. Gant e vreudeur e reas aferioù gant an tiegezh Rothschild, ar bank Laffitte ha kentañ markiz Salamanca.
Eizh bugel o doe, titlet gant o hanterc'hoar rouanez, Isabel II, etre 1847 ha 1849 :
- María de los Desamparados Muñoz y de Borbón, kentañ Kontez Vista Alegre (1834 - 1864)
- María de los Milagros Muñoz y de Borbón, kentañ Markizez Castillejo (1835 - 1903)
- Agustín Muñoz y Borbón, Dug Tarancón, kentañ Beskont Rostrollano ha Priñs Ecuador (1837 - 1855)
- Fernando Muñoz y de Borbón, kentañ Beskont Alborada ha kentañ Kont Casa Muñoz; eil Dug Riánsares, eil Dug Tarancón hag eil Beskont Rostrollano (1838 - 1910)
- María Cristina Muñoz y de Borbón, Markizez Isabela ha Beskontez Dehesilla (1840 - 1921)
- Juan Muñoz y de Borbón, kentañ Kont ar Recuerdo, kentañ Beskont Villarrubio hag eil Dug Montmorot e Bro-C'hall (1844 - 1863)
- Antonio de Padua Muñoz y Borbón (1842 - 1847)
- José María Muñoz y de Borbón, kentañ Kont Gracia ha kentañ Beskont an Arboleda (1846 - 1863)
Mervel a reas en harlu en Havr-Nevez.