Strollad ar Justis hag an Diorren
| Deiziad krouiñ | 14 Eos 2001  |
|---|---|
| Anv er yezh a orin | Adalet ve Kalkınma Partisi |
| Diazezer | Recep Tayyip Erdoğan, Abdullah Gül, Bülent Arınç |
| Prezidant | Recep Tayyip Erdoğan |
| General secretary | Fatih Şahin |
| Stad | Turkia |
| Luskad politikel | tu dehoù |
| Lec'h diazez | Ankara |
| Sez sokial | Ankara |
| Darvoud-alc'hwez | 2016 Turkish coup d'état attempt |
| SRGB color hex triplet | FFCC00 |
| Niverenn bellgomz | +90-312-204-5000 |
| Lec'hienn ofisiel | https://www.akparti.org.tr/en, https://www.akparti.org.tr/, https://www.akparti.org.tr/ar |
| Rummad evit an izili | Category:Justice and Development Party (Turkey) politicians |
Strollad ar Justis hag an Diorren (Adalet ve Kalkınma Partisi e turkeg) a zo ur strollad politikel krouet e Turkia e 2001. Trec'h e oa bet en dilennadegoù e 2002 dindan renerezh Recep Tayyip Erdoğan. Berraet e vez e anv dindan ar stumm, berroc'h, AKP. Gwelet e vez evel ur strollad politikel strizhmirour muzulmat, broadelour hag hiraezus eus an Impalaeriezh otoman. Da gentañ e oa ur strollad eus an tu dehoù mirour met muioc'h-mui eo o vont war-zu an tu dehoù pellañ [1] estrengas ha strizhbroadelour [2]. E arouez a zo ur glogorenn dredan dispaket war ur foñs gwenn pa talvez Ak d'al liv-se.
Deroù gouarnamant an AKP
[kemmañ | kemmañ ar vammenn]Goude trec'h an AKP, e 2002, pa oa gounezet ar muiañniver eus ar sezioù gant ar strollad-se, e voe nac'het da Erdoğan bezañ kentañ ministr dre ma oa tamallet dezhañ ur brezegenn er bloavezhioù a-raok. Dre hanterouriezh ur barzhoneg kozh en doa roet da intent e oa prest da zegas muioc'h a relijion e mont-en-dro ar republik turk. E geneil, Abdullah Gül a yeas da Gentañ Ministr, betek Mae 2003, pa voe didamallet Erdoğan .
Recep Tayyip Erdoğan, ur wech kadarnaet evel penn ar vro a glaskas silañ adreizhadurioù niverus evit gwellaat ekonomiezh Turkia ha dispenn modoù kozh e-keñver mont-en-dro ar gevredigezh ken e c'hell Turkia tostaat da reolennoù boutin Europa (ezel eo Turkia eus Kuzul Europa). An AK Parti en deus disklêriet e oa prest da gas ar vro war-raok betek ma vo doujet da reoladoù Unaniezh Europa, p'he doa goulennet Turkia mont enni e 1964.
Goulenn da verzañ an AKP
[kemmañ | kemmañ ar vammenn]E nevez-amzer 2008 e tisklêrias Lez-varn vonreizhel Turkia e oa bet torret lezennoù diazez ar republik e-keñver al laikegezh gant ar gouarnamant, pa oa bet aotreet ar studierezed da lakaat ur ouel war o fenn, ma plije dezho. Kinniget o deus ar varnerien ma vo graet un enklask evit sevel an abegoù da verzañ ar strollad politikel. C'hoarvezet eo dija he deus graet ar Justis turk evel-se (e 1997, klozet e oa bet ar Refah Partisi, ha Recep Tayyip Erdoğan a oa unan eus e bennoù bras).