5S

Eus Wikipedia
Sauter à la navigation Sauter à la recherche

Hentenn ar 5S a zo un teknik merañ japanat a glask da wellaat en doare reoliek an oberoù graet en embregerezhioù. Amprouet e oa bet er reizhiad produiñ Toyota.

  • Seiri (整理 Diframmañ an didalvoud?) : skarzhañ pep tra n'emañ ket en e blas en dachenn labour
  • Seiton (整頓 Lec'hiañ?) : Lec'hiañ an dafaroù ;
  • Seiso (清掃 Kempenn?) : Kempenn - Lakaat da skediñ ;
  • Seiketsu (清潔 Skouer?) : Skoueriekaat ar reolennoù ;
  • Shitsuke ( Heuliañ?) : Heuliañ ha mont war-raok.

Tra oc'hpenn: Gallout 'ra an hentad-mañ be'añ troet e brezhoneg gant ar ger DiHeSKeL a dalv:

  • Diframmañ an didalvoud
  • Heuliañ ha mont war-raok
  • Skoueriekaat ar reolennoù
  • Kempenn - Lakaat da skediñ
  • Lec'hiañ an dafaroù

Palioù[kemmañ | kemmañ ar vammenn]

Da bep poent "S" e bal :

  • Skañvaat an dachenn labour ha skarzhañ pep tra didalvoud ;
  • Urzhiañ an dachenn labour en un doare efedus ;
  • Gwellaat stad naetiri al lec'hioù ;
  • Diwall diouzh donedigezh al loustoni hag an dizurzh ;
  • Kalonekaat ar strivoù davet an tu-mañ: peurreizhet emren.

Oc'hpenn da se e lak ar reizhiad a-bezh da :

  • Wellaat an doareoù labour ha startijenn an dud labour (plijusoc'h eo labourat en ul lec'h naetet ha renket mat) ;
  • Zigreskiñ an dispignoù amzer hag energiezh ;
  • Zigreskiñ ar riskloù gwallzarvoudoù ha yec'hedel
  • Wellaat berzhded ar produiñ ;
  • Wellaat merañ ar produiñ.

Penaos 'vez graet[kemmañ | kemmañ ar vammenn]

Seiri (Diframmañ)[kemmañ | kemmañ ar vammenn]

Er stad-mañ e vez rediet da ziframmañ pep tra n'emañ ket en e blas en dachenn labour. Un nebeut reolennoù a gas da gemer an divizoù a-zoare :

  • Skarzhet 'vez pep tra ne servij ket mui abaoue ur bloaz (pe adaozet ma vo ezhomm) ;
  • Eus pezh a chom 'vez lakaet a-gostez pep tra a servij nebeutoc'h evit ur wech dre viz (da skouer, e departamant an dielloù, pe er mirlec'h);
  • Eus pezh a chom 'vez lakaet nepell pep tra a servij nebeutoc'h evit ur wech dre sizhun ('barzh un armel burev, el lec'h renkañ er post labour en uzin da skouer) ;
  • Eus pezh a chom 'vez lakaet er post labour pep tra a servij nebeutoc'h evit ur wech dre zevezh ;
  • Eus pezh a chom 'vez lakaet eeun e-doug an daouarn er post labour pep tra a servij nebeutoc'h evit ur wech dre eurvezh ;
  • Ha lakaet 'vez eeun pep tra a servij da nebeutañ ur wech dre eurvezh war al labourer.

Seiton (Lec'hiañ)[kemmañ | kemmañ ar vammenn]

Er stad-mañ 'vez renket ar biñvioù hag an dafaroù disheñvel gouestlet d'al labour. Gallout 'reer implijout hentennoù merañ gwelus evit hec'h aesaat, mes alies 'vez dalc'het Seiton evel: "Ul lec'h hepken evit un dra hepken, hag un dra hepken evit ul lec'h hepkenn" .

Klasket 'vez aozañ an dachenn labour en doare ma vo chomet hep koll amzer hag energiezh.

Reolennoù Seiton :

  • Renkañ ar post labour en doare skiantek (nepell, danvezioù ponner aes da gemer pe staliet war ur skor bennak,...) ;
  • Termenañ reolennoù ar renkañ ;
  • Lakaat lec'hiadur an dafaroù da ve'añ splann;
  • Lakaat an dafaroù ag a implij stank nepell diouzh al labourer ;
  • Rummañ an dafaroù dre urzh implij ;
  • Skoueriekaat ar postoù labour ;
  • Aesaat an hentenn "Kentañ 'barzh, Kentañ 'maez" ("FIFO").

Seiso (Lakaat da skediñ)[kemmañ | kemmañ ar vammenn]

Kalz aesoc'h eo naetaat an dachenn labour ur wech ma vo diac'hubet (Seiri) ha renket (Seiton). Chom hep doujañ an naetiri a c'hell lakaat war wel difiñv ar mekanikoù pe direizhderioù

Un nebeut a reolennoù evit Seiso :

  • dilouzañ, ensellet, diguzhat an direizhderioù ;
  • Adlakaat er stad dereat da seul taol ;
  • Aesaat an naetaat hag an ensellet ;
  • Diframmañ an direizhder er vammenn.

Seiketsu (Skoueriekaat)[kemmañ | kemmañ ar vammenn]

Ar stad-mañ a lak da zerc'hel en e soñj 'vez rediet an urzh hag an naetiri da ve'añ dalc'het bemdez.

Shitsuke (Heuliañ)[kemmañ | kemmañ ar vammenn]

Amañ 'vo kavet ar gwiriañ en doare strizh eus lakaat ar "5S" pe DiHeSKeL e pleustr. Kefluskerioù ar stad-mañ 'vez gwiriañ fiziadus ar pevar "S" pe boent kentañ hag harpañ digant al labourerien dapet e-barzh.

Heuliadennoù[kemmañ | kemmañ ar vammenn]

Muzuliet 'vez an disoc'h kerkoulz e kenderc'husted ha plijadur an dud labour da geñver ar strivoù zo bet graet evit aesaat an doareoù labour.

Notennoù ha daveoù[kemmañ | kemmañ ar vammenn]


Pennadoù kar[kemmañ | kemmañ ar vammenn]

  • Kaizen
  • Lean (produiñ)
  • Merañ ar perzh
Hentennoù bennak 'vez implijet evit lakaat ar 5S pe DiHeSKeL e pleustr:
  • QQOQCCP pe 5W e saozneg
  • Roue de Deming pe POR