Dave Navarro

Dave Navarro

David Michael Navarro, ganet d'ar 7 a viz Even 1967, zo ur gitarour amerikan a son er strollad alternative rock Jane's Addiction hag ar strollad Camp Freddy. Sonet en deus ivez gant ar Red Hot Chili Peppers ha The Panic Channel.

Buhez

Deroù

Ganet eo Navarro e Santa Monica (Kalifornia), e dud o vezañ James Raul Navarro ha Constance Colleen Hopkins. Orinoù meksikan zo gantañ dre e dad. E vamm Constance a oa kentelvez en abadenn skinwel Let's Make a Deal. Navarro oa an hini nemetañ en e familh na gomze ket Spagnoleg, en abeg ma torrdimezas e dud pa oa 7 bloaz hag e tremene lodenn vrasañ e amzer gant e vamm. Mont a reas war e studioù e Notre Dame High School e Sherman Oaks, CA. Mont a reas da heul en University High School e Los Angeles, CA.

Drouklazhet e voe e vamm Connie Navarro gant e vignon eizh bloaz war-lerc'h an torrdimeziñ. Harzhet e voe al lazher e 1991. Da heul marv e vamm, e tistroas gant e dad.

Kargvezh

Deroù

Kregiñ a reas Dave Navarro da seniñ gitar da 7 vloaz goude bezañ klevet ur ganaouenn gant Jimi Hendrix. Sevel a reas e strollad kentañ, anvet South Dakota Railroad en eil derez. El lise, e savas ar strollad Dizaztre gant Stephen Perkins d'an taboulinoù ha Rico Quevedo d'an izgitar ha d'ar c'han.

1986-1993

Navarro a embarzhas ar strollad Jane's Addiction e 1968 gant kefridi ar gitarour lead goude ma ve bet erbedet gant Perkins d'ar c'hanner Perry Farrell. Er strollad e oa kavet e memes mod Eric Avery, mignon kozh gant Navarro, d'an izgitar. Dont a reas ar strollad d'ober berzh ha brudet kenan e metou ar sonerezh alternatif. Tennder etre an dud a gasas neoazh ar strollad d'an disrann e 1991. Krouet e voe ar festival Lollapalooza gant Farrell gant ar mennoz da sevel un droiad diwezhañ evit Jane's Addiction.

E 1993, e savas Navarro ar strollad Deconstruction gant Avery o kanañ hag o senniñ izgitar ha Michael Murphy d'an taboulinoù. Ur gantenn a zeuas e gouloù e 1994. Rick Rubin oa embarzhet er broduadur ha Gibby Haynes a sennas e-giz ur c'houviad. Ne droiadjont ket en abeg ma oa skuizh Avery goude Jane's Addiction.

1993-Bremañ

E 1993 ez embarzhas Navarro ar Red Hot Chili Peppers. Senniñ a reas hepken war gantenn One Hot Minute. Kuitaat a reas ar strollad en Ebrel 1998 en abeg da zarempredoù fall gant Anthony Kiedis. Adalek an amzer-se e voe embarzhet e meur a raktres, raktresoù skinwel zoken, hag e kemeras perzh e adstummadur Jane 's Addiction. E 2007 e kenlabouras Navarro gant Teravision da seveniñ e film kentañ, Broken, gant Sasha Grey.

Kantennrolladur

Gant Jane's Addiction

• 1987 Jane's Addiction
• 1988 Nothing's Shocking
• 1990 Ritual de lo Habitual
• 1997 Kettle Whistle
• 2003 Strays
• 2006 Up From the Catacombs - The Best of (Kantenn Best-of)
• 2009 A Cabinet of Curiosities (Box set)

Gant Deconstruction

• 1994 Deconstruction

Gant Red Hot Chili Peppers

• 1995 One Hot Minute

Gant Nine Inch Nails

• 1995 Further Down The Spiral - gitar war Piggy (Nothing Can Stop Me Now)

Solo

• 1995 Rhimorse
• 2001 Trust No One

Rexall: U.S. Modern Rock Tracks #12, U.S. Mainstream Rock Tracks #9 Hungry: U.S. Modern Rock Tracks #24, U.S. Mainstream Rock Tracks #38

Gant Glenn Hughes

• 2005 Soul Mover

Gant The Panic Channel

• 2006 (ONe)

Gant Guns N' Roses

• 1999 End of Days soundtrack

Gant Gene Simmons

• 2004 Firestarter Prodigy adkemeret eus Gene Simmons

Liammoù diavaez

• Load kefridiel E saozneg
• Dave Navarro is God Load fan (e saozneg)
• Atersadenn aDave Navarro e Genver 2008 E saozneg
• Dave Navarro war maniaTV.com E saozneg
• Gitarioù Dave Navarro Luc'hskeudennoù
• Gitarioù PRS Gitar sinet Dave Navarro
• Atersadenn digant metal sanaz E saozneg