Gwelet an tarzh evit Spagn

{{LabourAChom}}{{Pennad zo|Spagn (anvadurezh)}}{{Infobox Spagn}}
Ur vro etre ar [[Meurvor atlantel]] hag ar [[Mor Kreizdouar]] eo '''Spagn''' (pe ''Bro-Spagn''), un anv a deu eus ar ger [[latin]] ''Hispania'', e [[Ledenez Iberia]].

==Douaroniezh==
'''Spagn''', pe '''Rouantelezh Spagn''' hervez hec’h anv ofisiel, zo ur stad eus [[mervent]] [[Europa]], ha dezhi div englozadenn e [[Norzhafrika]] (Maroko). Un [[demokratelezh]] eo, hag aozet eo evel un [[unpenniezh daeliek]]. Ur vro ziorroet eo, a zo en navet renk evit a sell an [[armerzh]] er bed a-bezh. Ur vro all, [[Portugal]] hec’h anv, a gaver e [[Kornôg]] hag e [[Mervent]] [[Ledenez Iberia]] (diwar anv an [[Iberianed]], ar bobl he doa graet hec’h annez eno er [[Ragistor]]). 

Er Su da Spagn emañ [[Jibraltar]] (un tiriad tramor a zo d'ar [[Rouantelezh-Unanet]]). Pelloc'hik er c'hreisteiz emañ  [[Maroko]], a zo enklozet enni div [[keoded|geoded]] spagnat : ([[Ceuta]]) ha ([[Melilla]]). Er biz da Spagn emañ ar [[Pireneoù]], a zo ul lodenn anezho da [[Bro-C'hall|Vro-C'hall]], hag ivez [[Andorra]], ur briñselezh vihan dizalc'h. E Spagn ivez emañ an [[inizi Balearez]] er [[Mor Kreizdouar]], an inizi [[Kanariez]] er Meurvor Atlantel hag enezennoù didud niverus er Mor Kreizdouar eus tu [[strizh-mor Jibraltar]], anavezet eo evel lec’hioù ar [[riegezh]] (''[[Plaza de soberanía|Plazas de soberanía]]''), evel an inizi [[Chafarinas]], [[Isla de Alborán|Enez Alborán]], « reier » [[Peñón de Vélez de la Gomera|Vélez de la Gomera]] hag [[Peñón de Alhucemas|Alhucemas]] hag un enezenn vihan, [[Enez Perejil]]. Er biz da Spagn, er [[Pireneoù]] gall, ez eus un englozadenn vihan eus [[Katalonia]], ur gêr zo [[Llívia]] hec'h anv hag hi gronnet gant an tiriad gall.

== Istor ==
Iberianed a oa anv ar poblañsoù emren a oa o vevañ e Ledenez Iberia. Da c’houde e oa deuet poblañsoù kelt avat, a veze graet ar [[Geltiberianed]] anezho, da vevañ ganto. 

Adalek an {{IXvet kantved}} a-raok Jezuz-Krist e stalias ar [[Fenikianed]], ar [[C'hresianed]] ha [[Kartadiz]] [[kontoer]]ioù war aodoù ar Mor Kreizdouar.

En [[IIvet kantved]] e voe aloubet al ledenez gant ar [[Romaned]]. Ar [[kastilhaneg|c’hastilhaneg]], ar relijion hag al lezennoù a zeu evit darn eus ar mare ma oa bet ar Romaned enni.

Pa'z eas an [[Impalaeriezh roman]] war an diskar er {{Vvet kantved}} e voe aloubet ar vro gant ar [[Sueved]], ar [[Vandaled]] hag ar [[Wizigoted]]. Bet staliet evit ur mare e su al ledenez ez eas ar Vandaled buan d’ober o annez e [[Tunizia]], tra ma voe renet ar vro gant ar Wizigoted betek aloubidigezh ar vro gant ar [[muzulman|Vuzulmaned]].

Aloubiñ a reas an arabed-berbered, kaset gant [[Tariq ibn Ziyad]], ar vro e [[711]]. E [[756]] e teuas Spagn, anezhi ur vro vuzulman, da vezañ dizalc'h, dindan ren [[Omeyaded Spagn]]. E [[929]] e teuas ar vro da vezañ [[Kalifiezh Córdoba|kalifiezh]]. En {{XIvet kantved}} ez eas ar galifelezh war an diskar hag e-se e voe savet meur a stad bihan, a veze anvet [[Taifa]]où (betek 25).

Neuze e krogas ar gristenien, a veze repuet e Norzh ar vro, en-dro d'aloubiñ Spagn ha da skarzhañ ar Vuzulmaned kuit diouzh ar vro. Padout a reas an [[Reconquista|adperc’hennigezh]]-se betek [[1492]], pa voe skarzhet ar Vuzulmaned ziwezhañ diouzh [[Emirelezh Granada|Rouantelezh Granada]] dindan ren ar roueed katolik, [[Isabel de Castilla]] ha [[Fernando de Aragón]]. E fin ar bloaz [[1792]] e voe dizoloet pe addizoloet Amerika gant [[Kristol Goulm]]. Peurunvanet e voe Spagn ent-ofisiel e [[1512]]. Adalek ar mare-se e krogas ar [[Konkistador|Gonkistadored]] da sevel un [[Impalaeriezh trevadennel Spagn|impalaeriezh drevadennel divent evit Spagn]] en div [[Amerika]] .

E [[1492]] e tivizas penntierned Spagn, broudet gant ar pezh a c’hoarveze er vro a-fet relijion gant an Adperc’hennidigezh, da lakaat ar [[Yuzev]]ien da zibab etre treiñ ouzh Doue pe mont d'an harlu. An darn vrasañ eus ar Yuzevien a oa aet da repuiñ en [[impalaeriezh otoman]] ha chomet e oa ar vuzulmaned e Spagn war-lerc’h an Adperc’hennigezh-se, a veze graet ar [[Morisked|Vorisked]] diouto, a voe lakaet da dreiñ ouzh Doue dre ret adalek deroù ar {{XVIvet}} kantved. Skarzhet e voent kuit diouzh ar vro e [[1609]], goude m’o doa kemeret perzh e meur a [[emsavadeg]].

Dont a reas Spagn da vezañ ur [[rouantelezh]] er {{XVIvet kantved}}, unan eus ar [[riez]]où galloudusañ Europa abalamour ma oa bet aloubet-mat Amerika ganti hag abalamour ma tegase pinvidigezhioù a-leizh eus ar c'hevandir-se.

Koulskoude e voe kaset galloudegezh ar Spagnoled tamm-ha-tamm da netra peogwir e rae brezel ouzh broioù all ha ker-ruz e kouste dezhi brezeliañ. A-hend-all e voe freuz ha reuz er vro gant an emsavadegoù a zirollas enni.

E 1700 e teuas mab-bihan ar roue gall [[Loeiz XIV (Bro-C'hall)|Loeiz XIV]], bet e wreg kentañ merc’h yaouaer roue Spagn, da vezañ Roue Spagn, [[Felipe V|Fulup V]] e anv. Sevel ar reas tierniezh [[Tierniezh Bourboned Bro-Spagn|Bourboned Spagn]]. Un emglev a oa bet skoulmet etrezo ha roueed Bro-C'hall (Tiernezh ar re Vourbon). 
E {{XVIIIvet kantved}} e stourme an danvez roueed an eil ouzh egile hag e-se ez eas rouantelezh Spagn war wanaat.

Da vare [[Napoleon Iañ]], e deroù an {{XIXvet kantved}}, e voe aloubet Spagn gant Bro-C'hall hag abalamour da se e tirollas [[Brezel Dizalc'hted Spagn|Brezel Spagn]], ur brezel gwadek-kenañ er vro.

Abalamour ma voe meur a wech er blegenn e kollas Spagn an darn vuiañ eus he [[Impalaeriezh trevadennel Spagn|zrevadennoù]] e {{XIXvet kantved}}, dreist-holl adalek ar bloavezhioù 1820.

Lakaet e voe [[Republik kentañ Spagn]] war-sav e [[1873]] hag e [[1874]] met ne badas pell.

Distaget e voe an trevadennoù diwezhañ ([[Kuba]], [[Filipinez]], [[Puerto Rico]], [[Guam]]) diouzh ar rouantelezh e [[1898]], goude ar brezel a voe etre Spagn hag ar [[Stadoù-Unanet]].

Spagn, n’he doa kalz a zarempredoù gant broioù all Europa, a voe warlerc’hiet evit a sell ouzh an armerzh hag ar politikerezh.

Gant [[Eil Republik Spagn]] e voe skarzhet tiernezh ar re Vourbon diwar an tron e [[1931]]. E [[1936]], goude trec'h [[Talbenn ar Bobl (Spagn)|Talbenn poblek Spagn]], en em savas an tu dehoù pellañ, a oa ennañ [[Karlouriezh|Karlourien]] hag ar [[Falange Española|Falañsourien]]. E [[1936]] e tirollas ur [[brezel diabarzh]], [[Brezel Spagn]], goude an [[Taol-stad Gouhere 1936 e Bro-Spagn|taol-stad]] c'hwitet hag e badas betek [[1939]]. Goude ar brezel-se e voe renet Spagn gant [[Francisco Franco|ar Jeneral Franco]]. Divizout a reas an diktator Franco, a oa a-du gant ar roueelezh koulskoude, mirout ar galloud evitañ ha goulennet en doa adlakaat ar roueelezh war-sav war-lerc’h e varv hepken.

Goude marv ar Jeneral Franco, e [[1975]], e voe adlakaet ar roueelezh war-sav evel m’en doa divizet an diktator. Met [[Juan Carlos Iañ|Juan Carlos I<sup>añ</sup>]], ar roue nevez, a lakaas an demokratelezh buan war-sav hag e [[1986]] e teuas Spagn ezel eus [[Unvaniezh Europa]].
Gant ar Vonreizh nevez, anezhi ur Vonreizh frank-tre, e voe freuzet ar greizennelouriezh bet lakaet e plas gant Franco ha digreizennet-mat e voe ar vro. Kalz a strolladoù broadelourien lec'hel, bet difennet da vare Franco, a oa aotreet en-dro, dreist-holl er c'humuniezhoù, ma vez graet gant [[yezhoù Spagn|yezhoù]] disheñvel diouzh ar [[kastilhaneg|c’hastilhaneg]], evel [[Euskadi]] ha [[Katalonia]]. E kumuniezhoù'zo e vez goulennet muioc’h a emrenerezh, lod anezho a c’houlenn bezañ dizalc’h (en [[Euskadi]] hag e [[Katalonia]] dreist-holl).

Dindan dregont bloavezh eo deuet armerzh Spagn d’ober berzh kaer, ar pezh n’eo ket c'hoarvezet gant armerzh Portugal avat. Tud zo a lavar ez eus bet ur burzhud armerzhel e Spagn pa zeskrivont emdroadur an armerzh er vro.

== Douaroniezh ==
[[Restr:sp-map.png|thumb|left|250px|Kartenn Spagn]]
{{clear|left}}
== Politikerezh ==
[[Restr:Jardines de Sabatini (Madrid) 06.jpg|thumb|[[Palez ar Roueed e Madrid]]]]
''Pennad dre ar munud : [[Politikerezh Spagn]]''

Abaoe 1978 e vez meret aozadur politikel Spagn gant [[Bonreizh Spagn 1978]]. Gant ar Vonreizh eo deuet Spagn da vezañ war un dro ur [[Monarkiezh vonreizhel|vonarkiezh vonreizhel]] hag un [[Demokratelezh|demokratelezh]]. Liesseurt eo ar strolladoù politikel enni ivez.

Galloudoù politikel hag arouezel en deus ar roue. Termenet eo ar galloudoù-se e mellad 612 ar Vonreizh : peurwiriekaat al lezennoù, divodañ ar parlamant (''Las Cortes Generales''), envel a ra Prezidant ar Gouarnamant, hag e penn an armeoù emañ. E penn diplomatiezh ar Stad emañ ivez (mellad niv. 63). [[Felipe VI Spagn|Felipe VI]] eo ar roue er mare-mañ.

E penn ar galloud erounit emañ [[Penn ar Gouarnamant (Spagn)|Prezidant ar gouarnamant]] (''Presidente del Gobierno'') (ur garg zamheñvel diouzh hini ur [[Kentañ Ministr|C’hentañ ministr]]. Pevar bloavezh e pad e respet. Anvet eo da ''Brezidant ar gouarnamant'' gant ar roue, ur wech m’eo bet degemeret gant ''Congreso de los Diputados''. E penn '''Kuzul ar Vinistred''' emañ. [[Mariano Rajoy]] zo e penn ar gouarnamant abaoe 2011, goude bezañ bet trec’h en dilennadeg kannaded. Dont a ra war-lerc'h [[José Luis Rodríguez Zapatero]].

Bodet eo ar galloud erounit e Palez ar Parlamant (''Las Cortes Generales''). Er palez-se ez eus ur gambr izel anvet ''Congreso de los Diputados'' (Kendalc'h ar Gannaded) hag ur gambr uhel a vez anvet ar "Senedo” (Sened). 300 dilennad zo e Kendalc’h ar Gannaded. Evit pevar bloavezh e vezont dilennet gant ar mouezhiañ eeun. 248 den a vez ezel eus ar Sened, en o zouez 208 den dilennet gant ar mouezhiañ eeun ha 40 den anvet gant ar rannvroioù.

Bep 4 bloaz e vez aozet dilennadegoù e Spagn. E miz Du 2011 e voe aozet an dilennadegoù hollek diwezhañ.

Ezel eus [[Aozadur Feur-emglev Norzh-Atlantel]] hag eus [[Unaniezh Europa]] eo Spagn.

== Tiriadoù Spagn ==
* ''Pennad dre ar munud : [[Kumuniezhioù emren Spagn]], [[Proviñsoù Spagn]] ''
Seitek "[[Kumuniezhioù emren Spagn|Kumuniezhioù emren]]" a zo e Spagn. Seurtoù stadoù kevreet int ha peuzdizalc’h int, ha pa vefe kalz a ziforc'h er galloudoù roet d’an eil pe eben gant ar stad kreiz. Ar c’humuniezhioù emren zo enno ur broviñs pe meur a hini. En holl ez eus 50 proviñs. Ouzhpenn da se ez eus div gêr dibar o statud, ([[Ceuta]] ha [[Melilla]] o anv.

111 kumun zo e Spagn, en o zouez enklozenn [[Livia]] e Reter ar Pireneoù.
{|
|-
|
{| class="wikitable"
|- style="background-color:#E6E6E6;"
|colspan=9|<div class="center">'''[[Kumuniezh emren|Kumuniezhioù emren]]'''</div>
|-
! !! Annezidi<br />([[2000]]) !! Annezidi<br />([[2005]]) !! !! Annezidi<br />([[2000]]) !! Annezidi<br />([[2005]]) !! !! Annezidi<br />([[2000]]) !! Annezidi<br />([[2005]])
|-
| [[Andalouzia]] || align="right" | 7 340 052 || align="right" | 7 849 799 || [[Castilla-La Mancha]] || align="right" | 1 734 261 || align="right" | 1 894 667 || [[Kumuniezh Madrid|Madrid]] || align="right" | 5 205 408 || align="right" | 5 964 143
|-
| [[Kumuniezh emren|Aragón]] || align="right" | 1 189 909 || align="right" | 1 269 027 || [[Castilla y León]] || align="right" | 2 479 118 || align="right" | 2 510 849 || [[Rannvro Murcia]] || align="right" | 1 149 329 || align="right" | 1 335 792
|-
| [[Asturiez]] || align="right" | 1 076 567 || align="right" | 1 076 635 || [[Katalonia]] || align="right" | 6 261 999 || align="right" | 6 995 206 || [[Kumuniezh Forel Navarra|Navarra]]|| align="right" | 543 757 || align="right" | 593 472
|-
| [[Inizi Balearez]] || align="right" | 845 630 || align="right" | 983 131 || [[Kumuniezh Valencia]] || align="right" | 4 120 729 || align="right" | 4 692 449 || [[Kumuniezh Emren Euskadi]] || align="right" | 2 098 596 || align="right" | 2 124 846
|-
| [[Kanariez]] || align="right" | 1 716 276 || align="right" | 1 968 280 || [[Extremadura]] || align="right" | 1 069 420 || align="right" | 1 083 879 || [[La Rioja (Spagn)|La Rioja]] || align="right" | 264 178 || align="right" | 301 084
|-
| [[Kantabria]] || align="right" | 531 159 || align="right" | 562 309 || [[Galiza]] || align="right" | 2 731 900 || align="right" | 2 762 198 || || ||
|- style="background-color:#E6E6E6;"
|colspan=9|<div class="center">'''Kêrioù emren'''</div>
|-
| [[Ceuta]] || align="right" | 75 241 || align="right" | 75 276 || || || || [[Melilla]] || align="right" | 66 263 || align="right" | 64 488
|-
|}
|
[[Restr:Mapaespaña4-1fr.png|thumb|250px|left|Kartenn Spagn hag he rannvroioù]]
|-
|}

== Poblañs ==
<!--Diwelus[[Restr:Niver an dud dre km2 e Spagn (2005).png|300px|right|thumb|Dasparzh an dud e Spagn e 2005]]-->
[[Restr:Spain demography.png|thumb|300px|Emdroadur ar boblañs etre 1900 ha 2005 (sifroù gant Institute Nationa d'Estadistique 2005 (Ensavadur Broadel ar Stadegoù)]]
* ''Pennad dre ar munud : [[Poblañs Spagn]]''
40&nbsp;499&nbsp;799 annezad a oa e Spagn d’ar 1añ a viz Genver [[2000] ha 46&nbsp;005&nbsp;127 annezad d’ar 1añ a viz Genver [[2006]]. N’eo ket ken uhel stankted ar boblañs e Spagn (87,41 annezad/km2) hag en darn vuiañ eus ar broioù all e kornôg Europa. N'eo ket ingal-kenañ dasparzh an dud er vro a-bezh. Muioc'h a dud zo o chom war an aod pe en trowardroioù da Vadrid, tra ma'z eus nebeut-tre a dud o chom en diarbarzh.

Kresket kalz eo poblañs Spagn abaoe dibenn ar bloavezhioù 1990, pa oa en em gavet en tu all da 3 milion a enbrodi d’ober o annez enni. Evit gwir, etre 2000 ha 2005, e voe ar feur uhelañ a enbroidi e Spagn evit a sell ar bed a-bezh. Eus [[Su Amerika]], [[Reter Europa]] ha [[Maghreb]] e teue an dud-se dreist-holl. 8,47 % eus poblañs Spagn a oa eus an estrenvro e 2005.

=== Kêrioù pennañ (2005)===
{| cellspacing="15px"
|- valign="top"
|
1. [[Madrid]] 5&nbsp;843&nbsp;041<br />
2. [[Barcelona]] 4&nbsp;686&nbsp;701<br />
3. [[Valencia (Spagn)|Valencia]] 1&nbsp;694&nbsp;970<br />
4. [[Sevilla]] 1&nbsp;317&nbsp;098<br />
5. [[Málaga]] 1&nbsp;074&nbsp;074<br />
6. [[Bilbao]] 947&nbsp;581<br />
7. [[Asturiez]] ([[Gijón]],[[Oviedo]], [[Avalés]] ha [[Langreo]]) 855&nbsp;199
|
8. [[Zaragoza]] 833&nbsp;455<br />
9. [[Alicante]]-[[Elche]] 711&nbsp;215<br />
10. [[Bae Cádiz]] ([[Cádiz]]-[[Jerez de la Frontera|Jerez]]) 638&nbsp;076<br />
11. [[Las Palmas de Gran Canaria]] 616&nbsp;903<br />
12. [[Murcia]] 563&nbsp;272<br />
13. [[Valladolid]] 519&nbsp;249
|-
|}

== Armerzh ==
E-pad pell e oa bet Spagn ur vro labour-douar anezhi dreist-holl met abaoe [[1975]] mui pe vui ez eus bet kemmoù sokioarmerzhel bras enni. Liesseurt eo an armerzh enni hiziv an deiz. Deuet eo al liesseursted-se diwar kresk buan ar greantelezh er bloavezhioù hanter-kant ha diwar diorren an touristerezh. Etre 1995 ha 2001 e oa kresket an implijoù er greanterezhioù a 38%. Adalek 1964 ez eus bet kaset da benn meur a rakres evit diorren armerzh ar vro. Diorroet e oa bet ar vetalouriezh, al lestrsaverezh hag gennad an ezteuler kailh. Dindan 20 vloaz eo deuet Spagn da vezañ ur Stad a bouez evit a sell ar greantelezh hag al labour-douar. Eus gennad an touristelezh avat e teu ar goundioù brasañ. 

Deuet eo Spagn da vezañ an navvet Stad er bed a-bezh hiziv an deiz.

== Sevenadur ==
[[Restr:Donostia puente kursaal edited.JPG|thumb|Pont Kursaal, e San Sebastian - Donostia]]

Hervez un enklask bet graet nevez zo gant Kreizenn foran an enklaskoù sokiologel (''Le Monde'', miz Gouere 2005), ez eus 82,4% eus Spagnoled a lavar ez int katoliked, en o zouez 47,7% anezho a lavar ez int katoliked wirion.
* [[Livouriezh|Livourien]] : [[Pablo Picasso]], [[Diego Velázquez]], [[Salvador Dalí]], [[Francisco Goya]]
* [[Tisavour]]ien : [[Antoni Gaudí]], [[Santiago Calatrava]]
* [[Skrivagnerien gastilhanek, dre urzh al lizherenneg#Spagn|Skrivagnerien]] : [[Miguel de Cervantes]], [[Arturo Pérez-Reverte]], [[Manuel Vázquez Montalbán]], [[Jorge Semprún]], [[Federico García Lorca]], [[Félix Lope de Vega]], [[Camilo José Cela]], [[Pascual Madoz Ibañez]].
* [[Sinema Spagn|Filmaozerien]] : [[Luis Buñuel]], [[Pedro Almodóvar]], [[Alejandro Amenábar]], [[Antonio Banderas]]
* [[Sonaozer]]ien : [[Isaac Albéniz]], [[Manuel de Falla]], [[Enrique Granados]], [[Joaquín Rodrigo]], [[Joaquín Turina]]

== Relijion ==
[[Restr:Cuenca CasasColgadas1.jpg|thumb|Dome, [[Proviñs Cuenca]].]]
[[Restr:Sagrada Familia 03.jpg|thumb|Sagrada Familia, [[Proviñs Barcelona]].]]
[[Restr:Acueducto Segovia noche.JPG|thumb|[[Proviñs Segovia]] Segovia, akvedukto .]]
[[Restr:Picu Urriellu.jpg|thumb|Naranjo de Bulnes]]
[[Restr:Alhambra hill over Granada Spain.jpg|thumb|Alhambra, [[Proviñs Granada]]]]

;Gouelioù ha deizioù gouel
{| class="wikitable"
|- bgcolor=cccccc|+ ''Gouelioù ha deizioù gouel'''
! Deiziad !! Anv brezhonek !! Anv kastilhanek !! Evezhiadennoù
|-
| {{1añ Genver|añ a viz Genver}} || Kalanna || Año Nuevo || 
|- {{ligne grise}}
| [[6 Genver|16 a viz Genver]]|| [[Gouel ar Rouaned]] || Epifanía ||
|- 
| [[19 Meurzh|19 a viz Meurzh]]|| [[Sant Jozeb]] || San José || Ne vez ket lidet en [[Andalouzia]], [[Inizi Balearez]], [[Inizi Kanariez]], [[Katalonia]] hag e [[La Rioja]]
|- {{ligne grise}}
| [[5 Ebrel|5 a viz Ebrel]]|| [[Yaou-Gamblit]] || Jueves Santo || Ne vez ket lidet e Katalonia nag e [[Kumuniezh València|Valencia]]
|- 
| [[6 Ebrel|6 a viz Ebrel]]|| [[Gwener-ar-Groaz]] || Viernes Santo || 
|- {{ligne grise}}
| {{1añ Mae|1añ a viz Mae}}|| [[Gouel al Labour]] || Día del Trabajo || 
|- 
| [[25 Gouere|25 a viz Gouere]]|| [[Jakez, mab Zebedea (abostol)|Sant Jakez]] || Santiago Apóstol || Ne vez ket lidet en Andalouzia nag e Katalonia, [[Ceuta]], [[Melilla]] nag e [[Navarra]].
|- {{ligne grise}}
| [[15 Eost|15 a viz Eost]]|| [[Gouel Maria Hanter-Eost]] || Asunción || 
|- 
| [[12 Here|12 a viz Here]]|| [[Gouel an Hispaniadelezh]] || Día de la Hispanidad || [[Gouel broadel Spagn]]
|- {{ligne grise}}
| {{1añ Du|1añ a viz Du}}|| [[Gouel an Hollsent]] || Día de Todos los Santos || 
|- 
| [[6 Kerzu|16 a viz Kerzu]]|| Devezh ar [[Bonreizh|Vonreizh]] || Día de la Constitución || 
|- {{ligne grise}}
| [[8 Kerzu|8 a viz Kerzu]]|| Gouel [[ar Werc'hez Vari koñsevet dinamm]] || Inmaculada Concepción|| 
|- 
| [[25 Kerzu|25 a viz Kerzu]]|| [[Nedeleg]] || Navidad|| 
|}
== Notennoù ==
{{Daveoù}}
== Liammoù diavaez ==
{{Commonscat|Spain}}
{{Wikeriadur}}
{{ODP|/World/Français/Régional/Europe/Espagne/}}
* {{wikivoyage|l'Espagne|Espagne}}
* [https://web.archive.org/web/20230601132418/https://mundofutebol.tv/ MundoFut TV] é um canal que transmite ao vivo o Campeonato Brasileiro Série A
* {{es}} [http://la-moncloa.es Lec’hienn ofisiel gouarnamant Spagn]
* {{es}} [http://www.administracion.es/ Porched melestradurezh Spagn]
* {{es}} [http://meteorologica.growiktionary.org El Tiempo]
* {{fr}} [http://www.diplomatie.gouv.fr/voyageurs/etrangers/avis/conseils/fiches/fiche.asp? Alioù d'ar veajourien]
* {{fr}} [http://statbel.fgov.be/port/cou_eu_fr.asp#ES Fedoù ha sifroù diwar-benn Spagn]

{{Rannoù melestradurel Spagn}}
{{Stadoù Europa}}
{{Monarkiezhoù}}
{{AFNA}}
{{Broioù spagnolek}}

[[Rummad:Stadoù Europa]]
[[Rummad:Spagn]]